不是鱔稿之旺角朗豪酒店明閣

好一餐唔會落旺角,唔好又一餐就寧願食麥記,這是朋友與我的共識。旺角搵食難,難在搵位,搵到位又難得好坐,好坐又難坐得耐,坐得耐又要好食便是難上難。

自從年前朗豪坊落成之後,共識也當然改寫,找到一個新的落腳點,係,咪就係人山人海的朗豪坊,隔離酒店中菜廳明閣。位置既隱蔽又就腳,坐得舒服之餘招呼周到,最重要食材新鮮上乘,菜餚精緻味道好。招牌菜炸子雞風味極佳,皮脆肉嫩,不是一般酒席貨色,二人半隻,連伴碟炸蓮藕片一件難留。海蝦炒蛋白,層層蛋白滑如腸粉夾住蝦身,再將蝦頭酥炸,甘香惹味,相當考功夫的一道菜。而無論早午晚必點的是流沙奶黃包,香而不膩,雖然牛油份量不少,像甜品心太軟的朱古力流瀉燙嘴,飯後一人三個卻從不嫌多。

訂座電話35523300。安排好日期時間後講畀我知,朗豪坊西武百貨門口等。