野仔的【Chokollection】是的一一年不可錯過的專輯,早陣子聽過《香港大廈》已覺正到飛起,Czarina 說非常之 Muse,興奮到呢,今次的重建MIX一開頭就拉我到八十年代達明一派《溜冰滾族》的氣氛,當然最叫我有 after taste 餘韻始終是歌詞

地產霸權之下,香港只有大廈,只有一座座聳立鬥高鬥新的屏風樓和陽具中心,樓價是不會跌的 as long as 樓市可以成為內地人洗錢的地方,不理是黑錢白錢,洗得在香港身上的便是好錢。但 sorry,是香港的身上,不是香港人的身上,香港人唔該返大陸,這城只屬於有錢的人住的,所以好多口裡愛國,稍為有個錢的內地同胞便用腳投票入住香港,所有變得做賺錢的大廈,那些校舎故居小商店今天全部拆,舊戲院即將變豪宅,學準特首范徐麗泰所講「民主、人權、普世價值呢啲嘢,只係經濟上嘅一種工具」。因此香港衰極爛極現在都有三分的民主和自由,只要有錢,內地人都想買到。

冇錢就返大陸住,也同時請遵守內地的法律。相反如果香港也要廿三條立法,又會不會減低人南下的意欲呢?人家貪的無非是最起碼上網不用翻牆的自由,你估唔通真係貪呢度嘅文化,想跟你學埋講廣東話咩。我哋,根本就係撳住畀人打。

范太又話如果真係愛中國,就唔應該直接當面鬧中國。我就話中國政府最怕你愛國,直接間接鬧都唔好,有錢駛你就駛,有屎就好食,唔好理咁多,最好秉持政治冷感的美德。

唔好話現實的地產霸權,好快互聯網都係,上得臉書用得微博同樣要規規矩矩,刪你就刪你,封你戶口就封你,凡事不需要理由,但你唔入住呢啲大型屋苑,又去得邊處有瓦遮頭呢?好似蘋果咁,好聽夠方便咪叫 iCloud,不用有自己的實體是必然的趨勢,但你將會有幾多間畀你揀?你第日試下一個月唔交聽歌取存費?即係所有 CD 冇晒。

齊齊為霸權打工,香港重建後只有一座叫錢的大廈。