報碎
錯字也照抄之Milk、妙、蔑
明抄易擋，暗改難防，尤其總有些人慣於挖空心思將目標文章透過句子重組、撮要擴寫、左剽右竊來換成自己的作品，博客之間如是，報紙雜誌界亦然，長達一篇評論，短至一段筆記，最新的例子為奶周《Milk》誌。給人抓到於第三百零五期當中有關《標童話集2之消滅九龍》的書介，實為抄襲自網誌【bad taste but smell good】裡頭的幾行讀後感。如此的搬字過紙不足為奇，奇在《Milk》誌編輯Gary先生的辯駁，真的要人踎低噴飯。
喂，行文相似外，連錯字也一併照抄，原文本為隧道的「隊道」、橫劃的「橫畫」一一照板翻印，寫手不察已經夠妙，編輯不校更該受蔑，最大的可能是兩者本為一人，又有甚麼稀奇。
延伸閱讀：香港仔公國．pcheung’s place．My Life as Open Source． Hong Kong Hell
Discussion
35 comments for “錯字也照抄之Milk、妙、蔑”
Post a comment
© 2007 ::littleoslo::..::Blog::. 
copyright 2003 - 2010 littleoslo.com *some rights reserved.
正如眾歌手撐雷仲得一樣
音樂得八個音符，un 低b 都講得出，
佢地本身都係冇乜sense 之餘，
亦証明同行搵食大家搵錢拍住上，實撐大家啦
諗起《黑社會》，
有錢一齊搵未兄弟囉:P
實撐架喎
諗起行過Times Square見到有線抄Sony跌波波廣告…
有線係專抄人地的成功創作的，
幾年前開始已經係咁，幾乎每個都係抄的@ @
唔知點解可能我feel 到佢地擺明抄，所以一直冇乜特別反感，可能佢地多數做出來個效果都還可以令我沒有燃起怒火罷
找到了：
http://ricup.wordpress.com/2007/06/19/%e6%9c%89%e7%b7%9a%e9%9b%bb%e8%a6%96-vs-sony-bravia/
so shame
抄完仲要唔認………唉….
雖然話係公道自在人心, 但真係唔抵得佢抄左又死都唔認.
另外想話而家雜誌geh撰文真係勁多錯別字(抄錯blog上面果兩個唔計啦下)….特別係奶周geh姊妹雜誌茶周.
[...] Cheap 爆奶周抄文 by Nitika 奶周抄文 by Darkman 又懶又蠢─談奶周抄文 by pcheung 錯字也照抄之Milk、妙、蔑 by [...]
哎……仲有「真蹄」呢也照抄的﹗
錯字也照抄之Milk、妙、蔑…
引文：明抄易擋，暗改難防，尤其總有些人慣於挖空心思將目標文章透過句子重組、撮要擴寫、左剽右竊來換成自己的作品，博客之間如是，報紙雜誌界亦然，長達一篇評論，短至一段筆記，…
我對奶周唔認不感出奇，如果佢地認而被抄那位仁兄又告入法庭，奶周肯定要賠錢。anyway, 其實遇到類似情況，我地可以做 d 乜呢？
sorry, 容我講多少少。
香港人對保護版權既意識好薄弱，如我之前在 blog 度話 kary 新碟封面抄 david tao，好多人反應都係「大頭相來來去去係咁影架啦，有乜出奇」或都話「大頭相都話抄！」，等於一眾歌手話音樂來來去去得八個音符一樣，囧囧！
[...] 捉錯字 [...]
[...] 相關閱讀：幫你一起唱衰佢 錯字也照抄之Milk、妙、蔑 [...]
哈哈，係winter厚道者。俾我實罵到佢囧爆，唔句句車埋去，都過唔到自己個關。
To: vachel
有時自己都好感嘆, 當你是做設計的,
而講「大頭相來來去去係咁影架啦，有乜出奇」
或都話「大頭相都話抄！」是你上司,
而你又轉極都轉不到工, 或者轉極工 D上司都是
這樣思維, 你便沒有心機了
[...] 引廷閱讀 ： 香港仔公國：幫你一起唱衰佢 瞎掰，公牛擠奶 ：抄襲者，真大爺！ 小奧私陸：錯字也照抄之Milk、妙、蔑 [...]
熊一豆，係喎，都是你眼厲
今次寫錯字返而成為有利證據，實在叫人意想不到，有時d野太fine真係反而唔好。
能告訴我真蹄個”蹄”字是怎寫嗎?
真諦吧 朋友
Vachel, 咁做人厚道總好過五十步笑百步o既
Damon:
拍！拍！拍！ 呢三野掌聲係私人醒你的
其實o係nikita提起件事後已有去blog主度睇, 已經見到個”蹄”字都照抄錯, 不過o個刻留唔到言喎, 頭先又再去, 見到個blog唔俾留言lu, 唔知咩事呢…
啊, 仲有, 今期壹仔踢泳兒個手錶廣告又係抄人.
嘩! 相似度簡直係爆燈!
刻薄d 講句, 最大o既分別, 就係泳兒同原版model 個樣囉…
當所謂音樂人抄歌當自己作，電視台抄橋翻版當參考，然後敢做不敢認還理氣直壯，某些愚樂圈偽人又說只要好看好聽沒問題，我們可說什麼？我們是否可像愚樂圈那樣，要求海關保障版權拘捕翻版抄襲者？？要求政府將翻版抄襲列為刑事罪？？？要求特首撥三億基金支持Blogger？？？？
社會本來是公平的，就是某些人令她變得不公平。
引用：
http://bearhungfactory.mysinablog.com/index.php?op=ViewArticle&articleId=629428
好少見到一篇野既回應人人都咁齊心，全人類都撐blogger。我好少睇milk，但就呢個case，我既立場反而企係中間，我睇過blogger原本篇文，睇完之後第一個反應係：又真係幾似喎，但係始終blogger對於自己篇文被人抄既理據太少了！同埋，隨著新聞報道文化日漸gossip化，又越來越多artists為私隱被揭而同直斥傳媒的不是,講講下我都有一段時間認為香港傳媒好cheap，久而久之對本地傳媒抱有負面印象。而呢個point係無可否認，亦解釋到呢件事點解全部人都撐blogger。我唔係撐milk，亦唔會撐blogger，因為呢件事太表面化喇，好難作定論。反而，我發現到另一個問題，就係大家都利用左blog／internet作為發放情報既平台，好難擔保日後會唔會變成「言論自由之陰暗面」。
講真，唔俾blogger將雜誌篇稿抄左之後自己吹晒水調轉槍頭吹人地咩；又或者，如果人地真係冇抄，而大家不斷forward呢單野出去，好可能涉及到老屈架喎，呢啖冤屈氣，分分鐘足夠令被屈者一時睇唔開然後自殺……大家有冇諗過呢方面呢？又就算，人地真係有抄，大家卻在網上鬧人鬧得咁冇品，抄襲既一時之錯，係咪需要承受咁大既結果呢？
好老實，我見阿blogger係原本個blog度連人地既回應都post埋出黎，冇錯，blog係網上日記，你可以寫d勁私人既事，但呢款網上日記又等同大字報，人人都睇到，嬲還嬲，鬧還鬧，都要有品少少。我咁樣係度提出同大家相反既意見，可能都會被大家吐罵，然而，我淨係知道凡事睇表面又一窩瘋，呢d係典型香港年青一代而家suffer緊最大既問題，仲要企硬話自己岩，唔去主動find out更多，咁樣，香港前途真係令人擔心……
上一代香港人
上一代香港人，單憑你呢句“唔俾blogger將雜誌篇稿抄左之後自己吹晒水調轉槍頭吹人地咩”便知道你的言論是怎樣的站不住腳，這個世界是有先後次序的，再不然便cache一下。
如果傳媒工作者有你如此思維便真的是“香港前途真係令人擔心”亦充表現了「言論自由之陰暗面」。
由本來辦真假、講道理，你會大刺刺轉化成「道德」問題＝有冇品。慣用技倆。
上一代香港人，我由衷的服左你。點解你會預設一定會比人「吐罵」。我們說話，實話實說就可以，人家讚或罵不是最先考慮。
無人可以100%保證blogger的判斷沒有錯，如果事主有說理，大可以擺出來，指出BLOGGER是「將雜誌篇稿抄左之後自己吹晒水調轉槍頭」。我們判斷事物，係用常理，不要說我們這一代，上一代的人調查教改風波，都係要各方擺證據，不是一味說自己好大壓力扮弱者就可以。
你那些說話用來在法庭上脫罪也許有用，疑點歸於被告嘛。正如《便利》都打勝了濕身官司。不過贏官司容易，要贏回人心聲譽，則是別人幫都幫不來。因為事情大家都看在眼內。
不要說甚麼上一代下一代，這次大家看不過眼的，三十多歲的有我，亦有五十多歲的人，他們都是自愛聲名的人，他們可能會錯，卻不會隨便屈人，更不可能會集體地不論理由。他們都是有獨立判斷能力的個體，叫他們一起行動，一定要他們每個人自己都同意才成。
如果你真的覺得事主無辜，「主動find out更多」幫幫他，現在是說理，不是公審。有理的，一個人都可以推翻平反。有理的，我轉頭支持那為寫手（和你）又何妨。
今日打開報紙，見兒童文學獎作品得獎作品都是抄襲的，我們不去正視，反而去用歪理護短，香港是甚麼世界？
同埋，「上一代香港人」，唔該唔好扮「中間立場」，你連抄襲係「一時之錯」都講得出，立場都好鮮明啦。
同埋我想講
通常身有屎的人開場方式都係「先君子後小人」，
應用於其他碟評，Comments中往往有某些人會為歌手抱不平，他們第一句多數是
「我唔係XXX(可以是容祖兒/twins/蔡依琳…)fans，都唔係特別鍾意聽佢，但係你咁講對佢真係好唔公平囉…」
既然你立場中立，又駛唔駛一開腔就要咁強調呢？
而上一代香港人先生你第一句便係︰
「我好少睇milk，但就呢個case，我既立場反而企係中間，」
心照啦:D
小奧，那位「上一代香港人」的留言，似曾相識。容我 change the subject completely。
陸肆十八週年前夕，咱們的全國人大代表、立法會議員「路遙知」發表了重要講話：對捌玖年那場政治風波，得弄清事實，理性分析，不能盡信坊間謠言。
科學發展觀得很！
只是「路遙知」大代沒有說明，黨埋葬歷史檔案，黨絕口不提往事，我除了相信「野史」，有別的選擇嗎﹖
那位「上一代香港人」跟「路遙知」同樣愛說風涼話！博客 overwhelming 的證據，他就是不管，他是何其中立超然，他要教育「下一代香港人」兼聽則明。
我想兼聽，但奶週有話說嗎﹖
反而我想知「上一代香港人」用咩email 來留言, 通常d 硬膠人都會留個假email, 唔敢用真. 再唔係, 陰毒d check IP, 睇下「邊個係人, 邊個係鬼」。
算啦，預左大家會有多多意見，反而我估唔到有人會認為我就係寫手，原來抱有陰謀論的人不止我一個。基本上，as a 路人，呢件事我講完自己既睇法就算，但對於一位留言者既意見，我有少少野想問。
To 石頭記：好欣賞你既態度，從字裡行間見識到你的修養，你夠冷靜及有禮，你既立場比我更中立，而且你對政治既認識絕對唔似這一代香港人，對嗎？請覆！若你是這一代香港人，我更加表示欣賞，事實，不止我一個人，有好多文化人（可以算係傳媒代表嗎？）都比較過／批評過這一代香港人的不可靠，若然冇記錯，應該有陳冠中及理大某退休教授。
我上廣州公幹接近一星期，沒有留意事情一段時間。不過這類事件總會有人持相反看法，我只是對那句“唔俾blogger將雜誌篇稿抄左之後自己吹晒水調轉槍頭吹人地咩”感到可笑，這個社會是越來越是非顛倒了，所以才會有膠編輯Gary這類思維方式的人，「上一代香港人」的留言也證明了Gary並不孤獨。
「上一代香港人」口吻真的很似「路遙知」「蹬臨」等左派之流。真想知「上一代香港人」的上一代究竟是哪一代，六四年代？文革年代？還是民智未開的遠古時代？