報碎
追思變追究 鄧光榮憑什麼公審鄭少秋
由沈殿霞患病之始到膏肓之時，傳媒早已不忌個人隱私，以公眾興趣之名日夜貼身追訪，迫人睇迫人講，為大家製造話題和情緒。好了，原以為主角離世便能一了百了，安息泉下，卻瞬間又化成道德判官代審家庭事，徹底榨取了肥肥一生的脂膏便打身邊人的主意，難得又有如鄧光榮大哥之流充當搞屎棍，自以為激濁揚清，將好好一個莊嚴場合蒙污染穢，追思變追究，要活人難堪，死者不得安寧，荒謬的是萬人台下又會有歡聲掌聲。
鄧光榮台上要求秋官交代
在沈殿霞的追思會上，鄧光榮公開要求沈的前夫鄭少秋上台交代，多年來是否有理會肥姐和欣宜。
鄧光榮在台上質疑，為何欣宜有父親如無父親，要求鄭少秋上台交代，台下有部分人拍掌。
鄭少秋與欣宜一同上台表示，多年來未能好好照顧欣宜，是因為肥姐將欣宜送到加拿大，而他就要為口奔馳。
他又指，在聖誕節和新年前後，他經常致電欣宜予以安慰、表示支持。他當時曾約欣宜見面，但欣宜因為想多陪母親，未有外出。他亦曾提出探望沈殿霞，但因為欣宜認為，母親每次有人探望時都會勉強支持，過後反而會更辛苦，因此他最後未有往探望。他又承諾，今後會更好的照顧欣宜。
鄭少秋發言時，場會內不時有人叫囂。
欣宜亦作出回應，指今日的追思會是為紀念她的母親，不希望讓一些是非，影響到追思會。她又道父親說，一切報道令人對他有誤會，但家人自己知道知相就算了，台下馬下掌聲雷動。
Tags: Discussion
27 comments for “追思變追究 鄧光榮憑什麼公審鄭少秋”
Post a comment
© 2008 ::littleoslo::..::Blog::. 
copyright 2003 - 2010 littleoslo.com *some rights reserved.
咁大個人都唔識分莊閒，口口聲聲鍚欣宜當場令佢難堪，你以為你係乜野？成日扮大哥，真正願意承擔既係唔會諸多埋怨指摘，佢唔願意承擔大可以不理，亦唔到佢係度多多野講
不知所謂
係好過份
利用傳媒過大既能力去干涉人地家事
非常冇品
暗裡人少少鬧 都已經係多事
仲要O係人地追思會度大大聲
一定唔係肥肥想見既事
肥肥泉下有知 班馬搵’人’搞佢
“精”官難審家庭事，大哥可能讀得書少，
這種責只宜私下斥，公開令人家家人難受。
究竟香港人係以咩心態去附和每一件事架呢
鄧光榮食屎啦.. 不知所謂
我唔係支持鄭, 但係都唔應該o係咁o既場合追究
鄧光榮一上台個look已經好talk show。
秋官其實都幾難做，又要被人嗌收皮
欣宜做法得體大方，值得讚
鄧光榮最大罪未係搞吋左個party，秋仔搞吋左人一生。鄧光榮係揭人瘡疤，當眾將膿瘡篤爆，罪不在篤瘡者，罪在數十年的罪穢。
鄭少秋偕女兒落台後經過鄧光榮身邊時，他伸手欲輕拍鄧光榮以示安撫，可是鄧光榮一手撥開，示意他離開，鄭少秋一臉無奈。
一直說欣宜自傳出母親病危後，面對傳媒都非常得體，而她上台暗指有人搞事，鄧光榮今次真係幾燶。
說到不尊重死者，還有台下拍手的一群，不知所謂。
這是鄭家(或沈家)的家事。
現在我作出一個假設，當天在ICU的肥姊，不想過去的前夫看到自己消瘦的樣子，痛苦的表情，這是可以理解的，也是她的權利。
姓鄭的，給自己的女兒乖巧地多番婉拒探望前妻，身為一個父親可以怎樣？欣宜不境是他的骨肉!
而眼看追思會中的欣宜已長大了，盡得她Mami的珍傳,説話大方得體，值得讚嘆!她的血裏還是流着他俩的DNA。到此我想歡喜肥姊的人，該給她的愛女一個成長及being a responsible person 的機會。
上一代的風風雨雨，應打從肥姊的離世而結束!
鄭欣宜!明天該會更好!加油!
騎劫追思會…
看到這段即刻轉台
不知所謂
I support 欣宜.
姑勿論鄧光榮是否所說非虛，在如此環境中不僅話語中流露不出半句真誠的感概，還利用群衆壓力加平凡不過的一句”世叔伯”指明道姓地譴責，令故人安息的道理都不懂，明顯是有備而來。儼然像一個多年不得上位的黑社會”資深長老”所做之為。
條pk一心為搶佔道德高地,好塑造自己清高有情有義的形象,對鄭肆意指喝叱罵. 好在大部份人及媒體都沒有同佢一齊癲.(在後面叫鄭 “收皮”的人,比鄧光榮還要pk)
16樓，娛樂圈是另一個世界，不足為外人道。光榮與否必有公論！
鄭少秋衰唔衰係另一回事。
鄧光榮o係之前已經表達過不滿，佢o係場外鬧鄭少秋亦冇人覺得反感。佢係肥肥既好朋友，睇唔過眼鬧兩句亦可以理解。
問題係，佢唔顧場合去發瘋，這是不尊重死者的。
好似欣宜話齋﹕呢個追思會肥肥先係主角。
做乜變左鄭少秋批鬥大會呢﹖都幾十歲人，仲唔識禮貌咩﹖
欣宜不嬲都錫老豆，老豆同世叔伯之間，佢當然會撐老豆。
最難得的是，立即就出現陰謀論，說整件事都是一場戲，是為了讓大家對欣宜增加好感而演的……
演藝圈那嚜多人分分合合，有哪個規定要前夫要照顧前妻的？
我就100%撐秋官。
仲有呀！唔好個個禮拜都cut火影播阿肥呀！過份
anywhere….thing d over jz let it b la…don comment too much d la….who is wrong who is right ,tats not a matter….let her pass peacefully la….she is nt willing 2 see any quarrel happen between tis 2 guy even she is in heaven….
Fuck Tang Kwong Wing is right, it’s not his business, back home eat his hot dog la…..
要羅彩o者,使唔使晌呢D場合呀?
你既然講到個個世叔伯都咁睇&錫欣宜,咁佢有無”老豆”又有乜所謂jei?
講到自己咁勁,咪收養欣宜law….
仲有喎,你又知人家要day day 見住至叫”照顧”?可能一個月食次飯已經好夠呢…..咩叫相見好同住難呀?
唔通離左婚20年,無晒感情喇,我都day day call你?
雖然我唔知係咪秋官”好戲”,我只係覺得欣宜好犀利,佢阿媽o既因子立即爆發出黎擺平個場….. 勁呀!
The showy outburst of Tang Kwong Win was totally out of line and inappropriate. It was an outright gesture of disrespect for the deceased Lydia Shum as well as her beloved daughter. It only reflects on the utter lack of self-discipline and self-condeitness of Tang. What gave him the right to do such a thing. My heart goes out to Joyce and her father, who both behaved most amicably. Joyce saved the day, and her dad was a real gentleman. A friend of mine very aptly described the behaviour of Tang Kwong Win as bitchy and hysterical! Not to mention delusional! His cantakerous outburst has tainted the otherwise perfect memorial service!
個人認為鄧光榮當日行為無疑是選錯場合和時間，但他真情流露和他的敢言跟肥肥生前真性情的性格是一樣的。反而覺得鄭少秋把欣宜拉上臺又句句迫欣宜點頭肯定就有點想囉采的成份，作為一個男人算是極之沒有風度。
早兩日睇有線訪問陳小姐,佢仲好多謝鄧大哥添~
唉,冇人會鍾意自己個前夫對自己唔好,仲要周圍講。
一家唔知一家事,你估講出嚟,啲人就會同情肥肥咩!
好似我,就更加同情鄭先生添~
唉,肥肥有啲咁嘅friend喺身邊”勃”行火,
同秋官嘅關係唔差都難啦!
回kiwi,
你有冇睇新聞同電視o架??
係劉家昌叫欣宜上去o架!
你唔好好似啲人,對號入座,
雖然我都唔知秋官係咪衰人,
正如有人所講,全世界只有欣宜一個有資格講佢係咪衰人!
回J,
對唔住，我沒有看到劉家昌怎樣叫欣宜上台，我只看到鄭少秋講一句話然後就望住欣宜，等欣宜點頭，然後又重覆幾次。欣宜當然會衛護自己老豆啦，難道當場說他不對嗎？整件事看起來就有點諸多解釋。我看鄧光榮也應該是識得大體的，他這樣忍不住也可能是累績多年。這純屬個人意見，有心人們少安無燥。