報碎
我們不要紅衛兵
愛國誠可貴，自由價更高。當揚起五星旗的時候，也請尊重人家展示其他旗幟的自由。從南韓的大陸留學生以暴力對待示威者，到這兩天香港有人拋擲水樽、以傘作棒的攻擊，以旗蓋旗的橫蠻，這些行為決不可能是奧運精神。
而警方以擔心公眾秩序混亂為由，將陳巧文等人抬走，卻無視那些恣意推撞的奧火紅衛兵。讓我開始想到恐怖的火紅年代，我們不要，我們不要紅衛兵的陰魂再現，不要附體於新一代的「三好學生」之內，以愛國青年之名渲染暴力。請大家警醒。
圖片來源：路透社及香港明報
參考閱讀：為革命鍛鍊身體．港大女生示威被警方抬走
Tags: Discussion
38 comments for “我們不要紅衛兵”
Post a comment
© 2008 ::littleoslo::..::Blog::. 
copyright 2003 - 2010 littleoslo.com *some rights reserved.
我見到有人噓李卓人，圍攻支聯會，覺得好心蹹。
其實問一問噓人者，是否真反對平反六四﹖是否覺得胡佳罪有應得﹖是否真覺得內地勞工沒有人權問題﹖我又覺得未必答「是」。
只是那一刻的腎上腺上升，遮掩了眼睛。
好可怕，一支火棒搞得滿城風雨，最諷刺莫過於曾特首在火炬傳送開始前的致辭中說道︰
「奧運火炬象徵平等、友誼、和平及團結，正是香港的核心價值，本港有不同種族及不同意見，但大家互相包容及團結。」
抱歉，我真的感到火把帶來甚麼和平團結，亙相包容就更不用說了！
更正上面一句︰我真的「沒有」感到火把帶來甚麼和平團結…
我是很不滿意警方的手法。
為什麼香港人(不計自由行)會變成這樣的…?
我覺得香港人現在的思想狹窄了, 不是同道人的就是敵人, 在多個議題上意見稍有不合便批鬥排斥. 究竟香港還有沒有想平反六四+京奧成功+中國人權改善+西藏問題完滿解決的人?
那種盲目…就是大革命的刻心精神
大家都是一片紅,就容不下半點黃綠青藍紫?
沮喪的同時忽然想起香港人的特性:
唔執輸/一窩風/三分鐘熱/善忘
1969年的歷史,很易重現
響呢啲咁盛大既場合，人變得好有ingroup outgroup之分可以話係人之常情。選擇響呢個時候示威，只會令人覺得係好事之徒。唔係話你地示威，表達意願唔岩。但係應該選擇適合既時間。咁樣做只會適得其反，令本來既騎牆派，甚至本來傾向支持既人，都會投以討厭既眼光。點解示威者總帶比人一個激進既感覺，往往就係佢地選擇錯既時間、地點、方法去表達自己既想法。示威者一心想趁呢啲時機去搶最多人既注意；同時亦令更多人厭惡佢地。老實講，我覺得係好愚笨既做法。
香港已經漸被和諧了，有這樣「包容」的特衰政府和警察，紅衛兵只會愈來愈多，民奴到了極端就會變成文革。
我公司係灣仔，發覺大部份講國語，有部份講廣東話，但有鄉音，有D衣著就唔多似港香人，我以為去左深圳返工！
成個過程，真係運動員又有幾多個，D媒體淨係報導的明星，究竟香港人有幾重視運動員？
開放《自由行》，就要預了有今天的結果。
希望只係樹大有枯枝……
……可惜這是棵枯樹
聽到電台話「傳送和平完成」。
淨係俾支持者示威(支持都係示威)，唔同意見既就俾人打走，梗係「和平」啦﹗
KL，趁大型活動示威本是平常事，而在聖火傳送期間展示不同訴求在歷屆奧運也非罕見，只要集會能和平進行，我看沒甚麼不妥當吧。但從昨天新聞所見，但凡穿上橙衣，都被紅衛兵驅趕辱罵甚至推撞，香港哪來言論自由？又為甚麼被警方拘捕的都是示威者，而沒有紅衣人？事件再次證明香港根本是一個容不下反對聲音的人治社會，甚麼國際大都會根本是屁話。
另外，表達訴求本來就是要引起別人的關注，難道還要悄悄地閉門進行？
但這群隨時對異見者”郁佢”、”dup佢”的香港人，是怎樣煉成的？真不知道，曾幾何時，百萬人大遊行、五十萬人上街的數字裏，和今天有著多少重複。我只希望沒有。否則我無法理解突然變天的香港。
十年，就足以教以往習慣調侃國族大義的香港人暴力愛國了，國家機械的運作，令人驚嘆﹗
現在北大人都根本不必親自督場了，讓你們香港人自己鬥自己。
熊一豆, 你可能忽略了那批紅衣人有幾多是中聯辦及民建聯發動的，背後指使的還不是共產黨，他們又怎會坐視不理？
KL:
納粹黨? 不論幾不濟也不能說?! 因為ingroup係愛國的, 那outgroup 就一聲也不能吼 !? 這根本就不是一國際城市應有的態度, 怪不得外地旅客一年比一年少了 …. 
在你的文章中, 我地香港人是否要有責任去 奉承 我地GE國家, 我地ge
還有, 激進, 是對抗納粹暴政的方法
希望台灣社會唔好係咁
係now 都睇度班人大部份都講國語，係尖沙咀果次示威物有人講“走開“囉，返而留意度無記專登揾D能講純正廣東話的人黎訪問，真係辛苦哂！
今時今日睇報紙唔可以只睇一份，睇新聞都要睇埋的收費電視作比較好D ！
不過遲D會唔會連收費電視的新聞都信唔過！
[...] ::littleoslo::..::Blog:: – 我們不要紅衛兵 http://www.littleoslo.com/cnt/home/?p=1312 [...]
爱国贼！
冇話要奉承國家，冇話唔比你揀幾時。只係揀幾時有咩後果，其實好容易就估到。就好似你明知成間pub都係捧皇馬既，但你係要入去捧另一隊波，仲要方死人唔知咁著住件波衫叫囂一樣。你覺得人地覺得你好正，好提倡大同 blah blah blah，定覺得你黎搞事？冇人話要你地閉門靜靜地進行，我地七一遊行唔係靜靜雞喇掛！咁多可以抗議示威既途徑唔用，係要響人地傳聖火做。咁你講得岩，全世界都係咁架啦！個個都想有咁大搞咁大。但係結果係點，我諗大家心照。點解剩係捉你幾丁友唔捉一大堆紅衣人，喂，我係差佬我都拉你啦！拉一個就搞掂件事，點解唔拉一個要拉n個？我啲人力要維持秩序已經唔多夠，仲要搞捉人，真係成世未做過？
總結，唔係話示威唔岩；但係搵交打就係蠢。要為西藏請命，唔係一定要呢個時候啫！用群眾壓力，我唔認為係解決呢件咁大既政治事件既最佳做法。
而警方以擔心公眾秩序混亂為由，將陳巧文等人抬走，卻無視那些恣意推撞的奧火紅衛兵。讓我開始想到恐怖的火紅年代，我們不要，我們不要紅衛兵的陰魂再現，不要附體於新一代的「三好學生」之內，以愛國青年之名渲染暴力。請大家警醒。
======================================
无论在哪个国家都是这样，警方会尽量打压少数来维持绝大多数的平静，而不是看哪方占理。这是维护秩序的原则，国际标准，请不要大惊小怪。
罵…
卻說無線新聞攝影記者在港大採訪陳巧文小姐時，忽然詰難：「你究竟係唔係中國人？…
现在理性的声音是越来越多了，时代在进步，门打开了，就关不上了。放心吧。
甚麼叫作「搵交打」？就單單因為展示一面雪山獅子旗？就因為示威者穿上橙衣？還是因為示威者表達反聲音？
請不要忘記每年七一，總有小眾親中人士對參與遊行的一方喝倒采，那算不算「搵交打」？參與遊行的人有沒有為此而群起圍剿？警方有沒有將那一小撮左派人士帶返警署？又為甚麼傳遞聖火當天沒有紅衣人被拘？難道搞事的就只有示威者？還是紅衣人的人身安全不比示威者重要？
我的看法是，警察有責任維持跌序，亦有義務保護在場每個人的人身安全，只是保護是否等於要將小撮示威者統統帶走？這手法與共產黨將異見人士關起有何分別？
亞笨問我佢個仇人今日結婚拜酒，佢應該唔應該著件喪服去玩串佢個PARTY 好呢？
我話佢去實死近，但佢話佢有自由，冇理由唔得。
事實，冇話係關良心事，定係邊個對錯。只是場合問題。
亞占, peacefully expressing own views does not equal to “玩串PARTY”. This is the normal way to raise attention of the media and public.
The problem is, how the “PARTY” people treat those with different views le?
係我就一定打鑊金亞笨，那你是新人的話一定要好好招呼佢。
其實亞笨就是文化上的不足，不懂廣東麻雀規矩，明明人地打近廣東麻雀，佢就去食台灣糊，要位位俾錢。他自以為他從美國猩猩學的在全世界都是對。
結婚就是一世人一次，但亞笨就係話佢有自由，佢被人打是在場人仕唔好,冇文化。
最慘就係老人家,老爺奶奶個心好唔舒服家嘛…..
那是一個公共空間，屬於大家的公共空間。希望別亂用比喻來混淆。
我對星期5既情況只可以以用「痛心疾首」黎形容
枉香港重自稱做多元化社會,bullshit!
[...] 小奧私陸：我們不要紅衛兵 [...]
有人問我地佢個仇人今日結婚拜酒，佢應該唔應該著件喪服去玩串佢個PARTY 好呢？
那是人地私人地方，你想去挑戰你係你的問題。
但遊行路線係公眾地方，各人都有權使用喔！唔好混淆視聽！
至於應唔應該厘個時候去示威，我覺得大家如果成日要想走方便，唔去做，就等於自己放棄囉…
其實當大部份市民都話對民主自由無乜feel，但就對個火炬手名單好激心的時候，佢地有冇想過，正正就係因為唔民主唔開放，先出一個咁唔理我地感受的名單囉！反正佢地從來都不用對我地accountable！自己分贓開心就可以了！
管他奧運不奧運，對我來說我一點都不關心，但突然西藏問題，奧運活動變愛國活動；突然中國人在各國的傳聖火活動出現一堆醜聞；突然又封路又全民話題又麻煩到香港搞咁多野，到底奧運帶來幾多得益？
對於對運動冇興趣的人會不會如我所諗，寧願奧運從未來過中國。
可憐的中國糞青, 不過, 被中國糞青攻擊的人更可憐, 看見網上一面倒的言論, 我感到十分悲哀
[...] 我們不要紅衛兵 Quote: 我們不要紅衛兵的陰魂再現，不要附體於新一代的「三好學生」之內，以愛國青年之名渲染暴力。請大家警醒 [...]