談樂
還得打這場樂壇《星戰》的古巨基
 |
|
那邊廂陳奕迅的《U 87》一碟四冠，幾個月內輪住上榜，勢不斷。這邊廂古巨基卻是慢慢來，若把《Monica》一曲也計算在內的話，年頭播畢，五月先上《夢中人》，八月再打《天才與白痴》，期間不同版本接住播，現在十月才正式發行這張專輯，時間剛剛好，還有空檔作衝刺。計劃何其周詳，為的是播放率，為的是金銀銅，為的是一場樂壇星戰。實在費煞了唱片公司的思量，挖空了電台的心思。「個個識唱我的歌背後」，用以作戰的武器是音樂，抑或是名利，還是遊戲的策略？ 當一張唱片沒有明顯主題的時候，我們或會抱怨記得的只有一兩首歌，當以概念大碟行先的時候又如何。記得零三年底《遊戲基》以電玩為名，歌迷大樂。零四年中《大雄》從漫畫取材，歌迷共鳴。零五年呢，延伸了《勁歌金曲》的意念來舊歌新譜，那麼這一趟是憑歌寄意，還是大玩綽頭的手段？音樂上要拿捏得準，避免眼高手低，既然香港的流行唱片大多一張碟十種曲風的話，要一統概念，考的便是填詞人功夫。 全碟歌詞由林夕一筆過，理該最得心應手，可惜出來的效果實在麻麻。甚麼「只得打爆機」、「人是一個食一個，無天理」，美其名叫直抒胸臆、雅俗共賞，但在優美的旋律和唱法之下，有如天鵝湖撞上棟督笑，感覺突兀。驚嚇程度直迫其為達明一派寫的《O女郎》中「曼玉，做不到；朝偉，求不到」。當然如果寫得到肉，像做隻貓做隻狗的《愛與誠》般，今次有翻版的《天才與白痴》大唱「這個白痴受你點，給你指」。只要K迷受落便可以。順道向用詞典雅、意象瑰麗的過去式林夕說再見吧。而用上了一連串經典金曲作歌名，聽來聽去，倒聽不出新舊兩曲的關連，感覺是借題發揮居多。 意外是音樂上我對這張《星戰》沒有太多的挑剔。即使如《夢中人》那麼的毀譽參半，我也覺得是新鮮而大膽的嘗試。有人說賣弄假音得過份，我卻聽到心情亢奮。在一大半以平庸的鋼琴大小提琴作伴的歌中，《輪流轉》的遊樂場感覺和《甜蜜蜜》的拉丁風情算是稍有聽頭。 如果真的要選一支最出色的作品，那麼便選與專輯同名的《星戰》吧。雖然開頭和間場的氣氛完全做不到應有的堂皇，粗糙的合成器演奏下像商場的表演多於年度的音樂頒獎典禮。但這首詞作算是林夕全碟裡表現得最優秀和突出。道出了歌者心聲之餘，刻劃得很細緻，一句「生活於流行榜上」最到。至於今年的星戰又會如何？聽到「每個也很想一舉成名，但十萬個只剩下十名」，不期然想起黃偉文為陳奕迅填的《浮誇》，「幸運兒並不多，若然未當過就知我為何，用十倍苦心，做突出一個」，看形勢男歌手只有以上兩者之爭，不會又跑出個劉德華，甚至許志安出來吧？當然，要視乎戰場在哪。 順帶一提，古巨基把《星戰》中「記者跟我煩得很，沒有記者更駭人」的駭人唱錯了為核人，非常礙耳，更駭人。 |
| 星戰 |
| 古巨基 |
| Label: EMI |
| 2005 |
   |
 |
|
|
| Tracklist: |
|
|
 官方網站 |
 music | recent pick | 全碟歌詞 |
01:天才與白痴
03:純真傳說
Discussion
12 comments for “還得打這場樂壇《星戰》的古巨基”
Post a comment
Recent Comments
- littleoslo: 不要緊，別擔心，到處也有那些人。
- 想嘔.......:
想嘔……. - Grace: 小奧, 怕你沒看到回覆, 所以在這裡再回應你:) 我文筆太差了, 詞不達意. 別誤會. 我想說的是不要把幾個不友善的人化成對種族的...
- lina: 我小學時參加過了,要老師挑選的,似乎舉辦了十年以上 了。^^
- XXXX: 痴線架呢D細路!咩事呀
都唔知係D老師痴,定係D家長痴,還是D細路痴 還是全部一齊痴!
copyright 2003 - 2010 littleoslo.com *some rights reserved.
唉﹗怎會男歌手得返eason同古巨基兩個？不過李克勤又無歌紅。我覺得古巨基一紅左，唱歌沒什麼感情。
eason 隻u87 ，耐聽很多。
而林夕填詞是要看歌手的，要有歌手剌激才會作到好詞。可能佢認為古巨基不適合唱優雅的歌詞，就如容祖兒般。(誰知一拍就會散)
黃偉文填詞越見新意，可喜﹗
不只唱腔沒感情，
是異常作狀及浮誇，還是愛與夢飛行到Be My Valentine 的古巨基才是真正讓人喜愛的。
林夕應該送他一首浮誇。
而且，概念大碟也夠了吧，概念大碟不是串起一堆歌名便是概念大碟的，
他收手吧。
概念碟裹, 我懷念黃耀明愈夜愈美麗, 風格統一, 係要聽哂成隻碟先夠喉
不過黃耀明宜家都唔再出概念碟lu….
still think his 夢中人 is over the top
好難頂
:smiley12:
平心講, 同意樓上所言; 但. 純真傳說真的有小小愛與夢飛行時期的感覺….. 可能是老拍擋張佳添的功勞吧 :smiley05:
但….. 其實古巨基都未必能夠控制…. 愛與夢飛行正是古巨基自己監製的唱片…..
夢中人…每個不同階層(學生、大人)都說敗筆之作…
講真,我非常懷念”遊戲基”裹面既每一首歌
每首歌聽的時候,都感受到古巨基那默默的努力
但現在的”星戰”一曲,縱使他把自已如何代入歌中
感覺已失色不少
他的歌聲永遠不能給我很強的感應
聽他唱歌, 就是沒那種感覺
而這張唱片完全馬虎了事
要聽概念大碟, 請回到九一年聽林憶蓮的野花及夢了瘋了倦了
那才叫概念
不提不知﹐原來整張“星戰”都是林夕的詞﹔聽畢全碟後﹐更掛念黃偉文的詞。
我想睇到佢所講既概念
係音樂上既概念
而唔係單單包裝,歌名上的概念 :smiley07:
我覺得基仔本身都唔想咁樣
如果你有留意佢公開表演, 佢最鐘意唱既歌係jazz o個一類既歌
(例如台慶o個晚, 仲有拉闊同演唱會佢都特登有一part唱jazz)
佢一唱番自己最鐘意ge歌就會好投入, 好有感染力(個人認為)
奈何佢本身都會有顧慮,
一來佢之前太耐無出唱片
出番lei最緊要係要有番人氣
如果唔係就算唱咩歌都無人理
二來就係paco雷頌德
呢兩個人簡直扼殺左基仔唱歌
無錯佢地對宜家基仔咁紅係居功厥偉
但係佢地最緊張就係錢
paco見佢唱k歌咁賣得, 梗係唔俾佢停啦
雷頌德d歌唔洗講啦, 唔係唔好聽, 但係一定好商業化, 再唔係就抄人
(隻甜蜜蜜一聽就知係佢, 不過都o岩既, 因為係可樂首歌)
今次隻碟其實比之前兩隻進步
起碼今次終於唔洗全碟雷頌德
有番張佳添 仲有其他人
下隻碟希望俾多d人填詞啦
第二點其實好難解決
因為d歌唔可以完全唔受佢地影響
如果你認識基仔耐
佢出道無耐因為想專心唱歌唔拍劇俾人雪左好耐
我相信佢宜家仲好記得
所以我地歌迷只可以希望雷頌德可以放佢一馬
唔好將基仔變做第二個黎明:smiley06:
天才與白痴
應該由基仔唱俾雷頌德聽
“這個白痴 受你蒙騙亦可以
受你點 給你指 到最終的那時
事已至此 誰會最易
逼你成熟開口講我願意(唔再逼你唱爛歌):smiley10:”
p.s.
我本身唔o係香港, 所以初初都唔知夢中人ge反應
但係我一聽就好鐘意
本身受歌好唔好聽唔講
但係呢首我聽得出基仔係好投入架
多k 歌?? 無計架
宜家market上聽k 歌o既人多呀..定係聽jazz o既人多??
基仔唔係eason
佢唔可能打正創作呢個旗號… ( paco幫佢定位係偶像 )
佢宜家的fans全部都係k迷..
如果真係一下子做一隻無k 歌的album..
邊個gurantee佢唔會出事…
萬一佢掌握得唔好..
到時得失了班龐大的k迷…. 失了收入來源之餘..又未必可以取得其他真係聽歌的人的歡心
對於一個剛剛回來樂壇…馬步都未位穩的歌手.. 做得過咩?
作為基仔由出道已經喜歡o既Fans，實在感慨。
由愛的解釋到歡樂今宵、從谷底王到男歌手金獎．．．
從來沒有間斷買佢o既碟，但打從”大雄”之後．．．
我諗．．．係時候慳返o的錢。
除o左失望，就係失望。
基仔，你幾時性格變得咁作狀？！
你幾時唱腔變得咁惡o肯？！
你幾時出碟變得咁行貨？！