Tag Archives: Avant Garde

終於在陳奕迅身上看到皮后Natalia Brilli

Natalia Brilli

生於比利時而在巴黎發圍,從劇場走到時裝,以玩飾著名,Natalia Brilli的簽名式裹皮系列不過出道數載,愈戰愈勇愈天馬行空,由尋常襟針、吊墜、手袋到頭盔、結他、滑板,甚至骷顱頭,以博君一粲的小玩意別具一格,最亮眼是手工上佳,精緻得非一般潮貨可大量複製,當中最受人認識和捧場莫過於零七年度的Nolex手帶,十足十將一隻勞力士包好,是我心頭最愛的飾物,想不到終於也在陳奕迅身上看到,讀今期《忽然一週》報導:

新碟賣得,迅即成為白金碟,同新城搞嘅演唱會,門票又搶手,一開賣就爆場,Eason嘅心情好到不得了。上星期佢出席《勁歌優秀選》時,喺後台好主動咁埋記者堆傾到雞啄唔斷,仲主動晒佢隻新錶。大家估吓隻錶有冇特別?超貴?限量版? no no no,係睇唔到時間。

「喺 Shine度買,二千幾蚊,後尾我貪得意,擰去俾人用皮將成隻錶包實,所以呢隻錶睇唔到時間!」

睇唔到時間嘅錶,仲算唔算係錶?但睇 Eason「晒」得咁高興,原來呢隻係皇帝的新錶。

一向神怪可愛的陳奕迅明耍小小娛記一遭,不過香港潮店Shine還要標價二千多,有點兒那個,畢竟己是前後兩三年貨,我去年在奧斯陸入手也是折合港幣千四。

對Natalia Brilli玩物有興趣嗎,我推薦以下的護照、信用卡皮套和新出的筆記電腦袋,於丹麥的網店ParisTexas有售。