Tag Archives: Gag

新潮文:莊明堅調理農務蘭花系

聽完一次,再將內容還原為文字的話,屌你,根本就係潮文嚟嘅!

主席,我係調理農務蘭花系嘅幹事。蘭花,係花中君子、王者之香。係咪梁振英係特首,小人、大話精、偽君子,就可以僭建花槽,種蘭花?就唔畀地,我哋調理農務。

大陸、台灣,出口嘅蘭花係百幾二百種呀,賺本港數以億計嘅外匯。點解我哋調理農務,係咁難呀?主席,我哋調理農務蘭花系,農務蘭花三、四十年,日出而作、日入而息;清茶淡飯、與世無爭。儲到十零萬,諗住可以安享晚年,但係點解你個,福佳嘅梁振英,都係左查右查我哋,仲要割地賣港,毀我家園。我哋調理農務都唔得。

主席,我哋調理農務蘭花系,反對東北嘅發展計劃。所謂斷人衣食,猶如殺人父母。所謂搬遷,就好似將啲海軍搬去沙漠,死梗㗎!道理講完,你哋會聽咩?主席,我哋調理農務蘭花系,對於毫無誠信嘅政府,講乜都冇用,你哋語言嘅偽術已經去到,不攻自破、不打自招、不知所謂嘅地步,而家唯一可以令市民滿意嘅,就係取消方案,同埋梁振英落台。我哋調理農務蘭花系,對東北說不,一月一號 CY完蛋大遊行見,打倒梁振英。

不過真係好正,將調理農務蘭花系成件事擺上議事堂係好荒謬,但對住港府近月荒謬的所作所為,又變得小巫見大巫。最可憐嘅係,我們只能從中找樂笑一下,然後無力地吶喊,請聽我講……