Tag Archives: Kuso

Madonna最新專輯【Urbanbeat Queen】曝光

哇哈哈,我真欣賞Madonna的幽默感,兩星期前在自家網誌上貼出這張假到不能,名為【Urbanbeat Queen】的專輯封面照,自己惡搞自己一下。而跟Justin Timberlake合作的新曲《4 Minutes to Save The World》仍然只得片言隻語在網上散佈,未能聽畢全首,不過Madonna則發佈了另一首從前與Mirwais寫的demo《Keep The Trance》給大家為禮,唉,新碟幾時有?

你條氣唔順咩.《花園酒店》員工惡搞周星馳

地上要就住就住,粗口唔該全部嘟咗去。地下就可以明目張膽,仆街啦。來自廣州花園酒店員工的真情千字Rap,兼且將周星馳電影對白融會貫通,說出花園酒店官僚主義嘅撚樣,遺臭萬年,也唱出不分地域城市所有企業之內一班被壓榨打工仔的心碎,流芳百世。

試聽:花園酒店 featuring 周星馳

主唱:花園酒店員工

歌詞

流芳百世 遺臭萬年 
流芳百世 遺臭萬年

等你斯文啲講一句 花園正仆街 
等你再斯文啲講一句 花園正仆街

周星馳:你仆街啊你,你唔好走啊你,你呀,你買定棺材啊你,你條氣唔順咩

二十幾年建設廣州花園酒店 到底五星級係乜嘢概念
人工高 福利好 伙食好到你都估唔到 
廿幾年嘅今日 我哋乜都睇唔到

周星馳:咁即係冇偈傾啦,咁即係冇偈傾啦、咁、咁、咁、咁、咁、咁、咁、咁、咁、咁、即、即、即、即、即、冇偈傾啦

講埋啲乜鬼嘢員工為本 屌你班撚樣
喺度辦晒大款 等我嚟贈你一句說話 
仆街啦 (你快啲去仆街啦)
公交車都升到兩蚊我哋仲係千幾蚊 
屌你班冚家鏟高層 你話我哋敢唔敢
等我嚟贈你一句說話
仆街啦 (呀,真係有人仆街喔)
你哋話加人工 點解越加越少 
講埋啲鬼撚野 你都唔怕畀人屌 
同甘苦 共患難 員工咩都同你撐
今時今日咁嘅地步 就忍心捉我哋撐 
我哋班員工個心 就越嚟越淡 
你哋官僚主義嘅心態 就越來越慣 
揾埋啲外行人 做埋啲管理高層 
專業啲講句就係 一無所能 
行咗廿幾年嘅制度 就亂Q咁改 
用咗廿幾年嘅設備 又唔見你去改
淨係識得裝修 就乜Q都話唔愛
幾億銀兩捻都唔捻就咁掟落個海
難為啲員工 就日日當牛咁用
揾埋啲財產 就養自己都未夠用
唔係洗米落鑊 就係供書教學
唔通你哋個個都會覺得個心好安樂

周星馳:就算殺左一個人,仲有千千萬萬個我,哦,你仆街啦

屌你班柒頭 唔需要火上加油 
我今日就要屌你 屌你知道理由 
要你實事求是做嘢出嚟畀我哋睇 
點知永遠都係咁 企喺度扮傻仔
有銀兩你哋淨係識得亂Q咁使 
有無捻過班員工為你哋心甘命抵 
你哋點去浪費 我哋都唔Q同你計 
一直為你哋嘅所作所為 痛哭流涕 
我依家就要用支咪嚟rap住同你哋計 
你哋唔洗去掘我亦都唔洗起我個底 
話你知 你班衰人正一陰陽屎忽鬼 
畀大家知道真相 我做乜Q都無所謂 
咁Q好嘅企業 你話你哋搞啲乜出嚟 
搞到班員工依家唔似人 做鬼都唔似鬼 
今時今日仲有班人夠薑企出嚟 (周星馳:收皮啊你)
做咩你又唔捻下 啲人工越嚟越少 
搞埋啲咩鬼嘢 經理接待員工日 
講一套做一套 最叻搵員工笨柒 
形式嘅野到處都係 實際嘅又唔多 
有益嘅野就更加無乜印象會有人做過 
裝修後嘅問題 慢慢越嚟越多 
你班高層從來無人夠薑企出嚟認錯 

周星馳:大佬,你唔好扯火住,呢個我老友嚟嘅,等我嚟同佢傾 

啲客投訴 最叻就即刻扮衰仔 
咁處理投訴問題真係死畀你哋睇 
佢哋投訴你哋 你哋就乜Q都話得 
我就大大聲話你 無Q原則 
依家我就教你點樣揸住宗旨去做人 
我依家就揸住中指 屌你班西人 
一個月三千幾蚊出糧酒店屁呀 
二星級同位咁都可以相信 唔該你哋去吔屎 
一介武夫最犀利嘅就係 你哋嘅表面功夫 
我哋最出名嘅一招叫做 never poor 
五個月加埋都係啱啱夠嗰三千蚊 
蚊咬都無血 跌親仲要自己睇醫生 
你哋究竟有無當過我哋係人 
你班廢人小心得罪 上邊嘅神 
咁多有名嘅酒店都可以營業落去 
唔該你哋劏雞還神 順便將功贖罪 
平均工資都未夠 扣我個人所得稅 
點解你忍心加埋一齊 畀人減落去 
心都碎 一個個有血有肉嘅心 
畀你哋踩碎 我都唔想繼續講落去 
好想將你哋班仆街高層 由三十樓掟晒落去
然後大聲高呼 萬歲 萬歲 萬萬歲 

周星馳:知唔知咁做係唔啱嘎?
女:知
知就嗱嗱聲打個電話講對唔住
女:唔係呀嘛

延伸閱讀: 廣州話RAP – 花園酒店員工Rap feat.周星馳

送你一個K + MV

別怪我太過無聊,心血來潮匆匆將泳兒的《送我一個家》改為《送你一個K》,縱有詞不達意,字不合音,基本上也表達了我對是次「拾肆K」一事的看法。對於早幾天《香港經濟日報》提及:

「有網友以創意「挑戰」,在「拾XK」T恤上加「月入」兩字,反問「咁又OK唔OK?」。執業律師鄧達明則提醒,以此做法挑戰法律尺度,或會須承擔法律風險。他表示,雖然加入「月入」兩字,但字體較小,看上去仍令人焦點集中「拾XK」三字,也一樣有問題。在網絡世界並不可任意妄為,他提醒,若警方黑社會專家認為涉及黑社會用語已「踩界」,警方可追查上載者身份予以追究。」

除了一聲謝謝提醒外,也以此首《送你一個K》回應,希望有同好者能製成MV更好:

追加:感謝得到網友腦花花arthurson及小踢Sidekick相助,火速製成《送你一個K》MV,我認為的14Kids mix。

送你一個K

文化衫 隨便掛 住好啲
諧音玩得多放任 人家敢不敢跟你 去穿著
讓警方 望向踩邊的挑戰 談著處分的計劃
我卻不信城內會沒有吵架

如名號 太喧嘩 鳴肛社監不滿嗎
連累小小的你 不禁害怕
難怪創意會變得 頹垣敗瓦
而家 報紙幾多篇文章
胡亂報導你可隨處犯禁
而圖像亦要靠遮掩 去印

和勝輸 奇異安 廿肆K
尋找改名的抉擇 研討徽章的擺設 與風格
而店方 面對報章的批判 談著道歉的說話
我卻想到城內我遇過的K

而家 月薪萬四要給你密碼
或者 再送你一個K
要是你能為我自由付最大代價
期望我亦能令你記住創作實在無限

如樓下 十三樓 樓上K室開喇叭
誰在家中跟你 只有害怕
原是怕沒有指引 隨時入冊 
而家 香港幾多夥談K
然後發現哪夥還會越界
能令你極放心的K 有嗎

後記:在My 903討論區上看到謠言一則,話說謝安琪新碟除《8分3》外,其他歌曲一樣以數字為題,當中一首名為《十四》因為太過敏感而禁播,別讓DJ口快快介紹為《十四》Kay。

 


「拾肆K」網摘

Chan Tai Man 男女筆觸: 不雅

以印黑社會字句為時尚,我個人認為這是設計創意上的倒退 。設計者當事人無謂只顧美化自己,自圓其說。 而當局以大批警力去隸捕一批衣衫,並稱此為反黑及改善社會風氣,更是意識形態的倒退;只著眼於表面功夫,並非正視問題。

膠城 Plastic City: 和諧社會

殊不知今日可以抓「住好啲」,明日以報館藏有「顛覆或分裂國家物品」,例如,一幅陳水扁或達賴喇嘛的新聞圖片像,也可以把一干「知識分子」抓捕,他們大可乖乖自律,從此「醒定啲」。

熊一豆(二) :《爛劇之王》—專過尹天仇

G.O.D.的十四K當然是一句爛gag。首先,要符合一個爛gag,不是要好笑,而是表象意義的自我消解。這裏消解的意思,並非如該店公關在電台所言,全沒考慮過黑社會,只是想指十四k金云云(這種沒人信的大話,卻恰恰是「認真」逼出來的產物)。正好相反,要件產品work,首先就是建基於能喚起大家對社團這個指涉的共同意識—這點應是毋庸置疑的。

Life is but an empty dream…..: 不及警方識貨

瘋狂炒風席捲全港,或許警方都已經被感染,憑藉快買快賣賺得一日「薄利」,就覺獲得超級快感。。。說來,這次行動若由海關進行,可能更加名正言順;打擊「冒牌貨」是海關責任,至少不會像警方般,落得「演技太浮誇」的下場。

子山公園 saSa Park 【落差】

好恐怖的這城。而竟然(其實也不意外)有不少人因為根本是看不過眼不過品味低劣的設計,而支持警方這次的行動,好像借別的勢力替自己舒一口烏氣。唉。

知日部屋 黑社會與創意

我對此事的看法,一言蔽之:(1) 行動是基於一條過時的法例 (2) 設計是誤踏法律灰色地帶而已,執法者用不著這麽高調及重手。

電子生活 mild but calmless! 14K案

玩就玩,無謂曉以大義扮嘢有content有message,最憎!再說,他們的字tee無休止地販賣情操,更遑論設計上毫無創新,獨沽一味,不值一穿。又,如果T上改放forteen K,而不是勇字當頭扮起古惑仔的宣言直腸直腸,我倒不太反對話題作品。

萬聖節前奏.Sony REC YOU 咪嘴歌劇

對嘴當歌,人生幾何。前兩天收到Ray一闕狀似真人演唱的歌劇,細看之下原來是只需要上傳一張硬照便能自動生成的夾口型片段,假唱得來維肖維妙,極具驚嚇效果,以親愛的黃夏蕙照片一試,更顯威力。這個小把戲來自為了宣傳Sony Walkman而成立的網站REC YOU,通過MotionPortrait開發的技術而成,相信將來單單應用在線上Avatar方面便會廣受歡迎,遑論其他更多的可能如角色扮演遊戲、線上新聞報導、Podcast視像化、交友網虛擬面談等等。




延伸閱讀:walkman jp 最新專案 “REC YOU”