Tag Archives: Story

港女的大姨媽

港女,佢叫麗港,今年十九歲,自細喺沙田區長大,讀書成績唔喺太叻,中五之後就出嚟好勤力咁做嘢,平時又幾慳,佢話想儲筆錢,有機會嘅話第日再讀書。

而麗港嘅大姨媽,即係親戚口中成日提住嘅表姐,個樣都有少少似鄭裕玲,幾年前開始由大陸落嚟探佢,每月一次到啦,每次都嚟住幾日。起初麗港係有少少唔知點反應,不過都適應到,學阿媽話齋好快就慣。

譬如唔識講大姨媽嘅家鄉話,但慢慢都叫聽得明,係大聲咗啲。又或者大姨媽半夜去廁所貪方便唔閂門,又唔記得沖廁,聽阿媽話其實都好小事,人同人一齊唔多唔少都會有磨擦㗎啦。

況且大姨媽本身生活都應該愈來愈好,次次嚟嘅時候又會帶好多家鄉特產畀佢哋,麗港因為睇得大陸黑心食品嘅新聞多,開頭都唔願食,不過大姨媽話佢自己都食咗好多年啦,而阿媽都話放心食,咁咪食囉。

另外大姨媽每一次仲會喺成家人面前畀封利時阿媽,話係一份心意,多謝我哋成日都帶佢去玩,帶佢食好嘢咁。

咁照計大姨媽份人其實都冇乜嘢,不過直到年幾前,大姨媽嚟得愈來愈密,要麗港成日陪佢出去,每次使好多錢,買好多嘢,金呀、補品呀、名牌手袋之類帶返上大陸。咁麗港放咗工之後好多時都好攰,一齊出去見到大姨媽咁洗錢法,自己就日日咁做,感覺好差。

然後有一日,打開門竟然見到大姨媽帶埋個好耐冇見,個樣都唔認得嘅表妹小京落嚟,話小京要喺麗港屋企住一段長時間。

跟住阿媽就吩咐麗港讓張床出嚟畀表妹。麗港當然好唔開心,自己放工返到屋企都想有自己嘅私人空間,有張舒服嘅床唞吓。

麗港覺得要同阿媽傾吓,但問題係佢阿媽呢幾年就愈來愈沉迷打牌,成日都唔喺屋企,打親電話畀阿媽,一係話唔打閒趕住收線,一係就索性唔聽,留言都唔覆。

就咁樣麗港一家人就開始咗同小京一齊住嘅生活。

所謂相見好、同住難,而家做咗小京口中嘅表姐港、表姐港就生活得愈來愈忟。

好多時放工之後仲要煮埋飯畀全家食,但呢位小京表妹就話唔啱胃口,想食開佢自己中意食嘅。大姨媽話遷就下小京,麗港就忍咗去。

不過有好多嘢,唔係話就到就就,其實小京都住唔慣,兜口兜臉對麗港講佢間房好細,張床唔夠佢屋企嗰張舒服,又話聽唔明麗港講乜,又話大家同一個家鄉,點可能唔識講家鄉話。

終於麗港同小京鬧咗次大交,導火線係出於屋企個坐廁。因為小京不嬲用開蹲廁,好多時都會踎咗上去,有一朝麗港起身發現廁所板有啲屎漬,當堂好慶,就係咁同小京嘈起上嚟,麗港仲嬲到講晒粗口話小京係寄生蟲,要趕小京出去,最後仲搞到大姨媽即刻落嚟問咩事蝦佢個女。

起初大姨媽問有咩證明啲屎漬係佢果女整嘅,講吓講吓就話佢每次嚟都有畀錢麗港阿媽,唔係白食白住,鬧麗港點解可以咁樣對自己嘅表妹,仲話佢遺傳咗佢死鬼老豆狗眼看人低啲衰格,點解唔學下麗香咁明白事理。

麗香,即係麗港嘅孖生家姐,果樣當然同麗港生得好似,不過性格上都講得上係南轅北撤,唔係好夾。而且麗香讀書成績叻啲,喺屯門嘅嶺南大學讀緊,因為住宿舍嘅關係,好少返沙田嘅屋企。

不過炒大鑊呢單嘢麗香當然知啦,因為果晚佢都喺屋企,只係喺間房度冇出嚟,因為要溫書應付考試。

而麗港真係好慶,諗住同麗香訴吓,點知麗香一早已經唔見人,返咗大學去考試。

惟有等到嗰晚先打電話同麗香傾,諗住有人開解下。

點知傾唔夠兩句,兩個人又開始鬧交嘞。

港:究竟你明唔明呀?

香:我點會唔明呢?我都同大姨媽住過啦,但係人哋喺大陸落嚟啫,你鬧人寄生蟲就係唔啱,仲夠膽講趕人出去,嗰個係你表妹呀!

港:咁我直頭係你阿妹啦,你都係唔明,我唔中意佢哋根本唔關佢哋喺邊度嚟嘅事,我係頂唔順佢哋嘅行為呀,做錯咗仲死撐。

香:我幫理不幫親,你冇做錯過咩?記唔記得你嗰年暑假去加拿大阿叔度住呀,你仲將條巾沖落廁所,塞晒呀?

港:咁我以後仲有冇咁做呀?

香:總之你講粗口鬧人寄生蟲就係錯撚晒啦!點解你唔學習包容一下,唔好覺得自己做咩都高人一等,人人生活習慣梗係有唔同㗎啦,佢做錯咗咪同佢講囉。

港:我冇講咩,但次次都係咁,仲話返我轉頭。咩大姨媽老啦,習慣好難改。表妹夠好生啦啩,咪一樣咁?乜都遷就,係咪要將個廁所拆咗去改造踎廁先得呀?

香:你唔忍嘅話想點呀,唔通要打交上差館咩?你成日嘈都解決唔倒,我返到嚟都想靜吓睇吓書㗎。仲有點解你唔同阿媽講?我覺得同阿媽講先係辦法。

港:你唔係唔知阿媽成日玩失蹤,返到嚟又入房瞓,話好攰遲啲先傾,有次仲話我咁唔中意,有本事就搬走,仲話可以安排我搬去大姨媽度住,痴線。我雖然揾得唔多,但都有畀家用㗎,仲叫我搬出去。

香:我明呀,但係總之你就唔好再發火,我搵日同你一齊同阿媽三口六面講清楚。

港:搵日搵日,咁搵到幾時呀?

誰是誰, 大家心中有數,可是我們太過習慣以各種親人關係形容彼此的同時,卻忘記了所有比喻再貼切也有失真的情況。一些看來普通不過的家庭糾紛放到現實裡亦未必容易化解,更何況是現在的衝突呢?

當港女遇上青蛙王子

不知何故,第一次看到這張賣Fling巧克力的廣告,冒犯說句,即時想起了患上公主病的港女或男,口裡說要王子和公主永遠永遠過著幸福快樂的生活,實際上“Forever is Overrated”,還沒待上一吻便將青蛙吃掉了。

故事內容

注意:下文中包含記述作品情節的段落,或許會降低欣賞原作的興致。

從前有一個港女,她自以為是公司裡最潮、最美麗的女生。她最喜歡挽一個LV袋,常常把它拋向男友,在需要化妝時再接住。一天她帶了這LV袋去公司附近的商場裡逛街。她在扶手電梯上挽著LV袋挺胸時,一不小心,袋跌落在樓下的噴水池裡。她在池旁裝作哭泣時,一隻曱甴向她說:「我可以幫妳把LV袋撿起來,可是我有一個條件。」港女說:「你幫我把LV袋撿起來,我的月結單、Hello Kitty都可以給你。」曱甴說:「妳要帶我回去,讓我與妳同飲一杯,同食一盤,同睡一床,並且我要與妳一起MSN,成為妳的愛人。」為了拿回LV袋港女答應了曱甴,但她並不想實現諾言,因為她很討厭骯髒的曱甴。當曱甴將LV袋交給港女後,港女頭也不回的跑回公司,不理曱甴的呼喚。曱甴並不放棄,牠在午餐時間前來敲公司的大門。上司知道內情後命港女實現她的諾言。港女勉強與曱甴同飲一杯和同食一盤。當曱甴要與港女成為Facebook的朋友時,港女非常生氣,用力將曱甴扔到牆壁上。曱甴在掉落地面時變成一個英俊的王子。這時港女突然發現王子有一雙光亮的LV皮鞋。不由上司的同意,港女與王子早退。王子帶小公主回他米蘭站的王國。

曱甴王子,改篇自青蛙王子.維基百科,自由的百科全書

分析

港劇是文學中一種特殊的體裁,相當於人的夢境,可以心理學,尤其是容格的分析心理學的角度分析。港劇一般以在遙遠的古代或很久很久以前作為開頭,讓人產生一種不真實的感覺。這種感覺就等於是在夢中,所以可以心理學分析夢境的方法分析。港女是這港劇的自我(ego)。故事沒有提到女校長,顯示生活中的女性氣質已經衰微,港女們得不到女校長的教導,自然不懂男女間的情事,而且對自己無意識中隱藏的獸性本能毫無所知。當幼稚的港女遇到男人時,男人的形象自然與動物或野獸無異。LV袋象徵港女的自性(self)。尋找自性是一個人成長的必經之途。商場與噴水池都象徵無意識。自性正是隱藏在無意識中。曱甴是未經人事的港女本人心理(psyche)中的男人形象,骯髒而又粗魯。同飲一杯與同食一盤象徵曱甴親吻港女的慾望。同在Facebook成為朋友象徵曱甴將港女作炫耀的慾望。在曱甴步步相逼的追求過程中,港女終於被激出原始的野性,將曱甴扔到牆壁上。曱甴王子整個故事象徵幼稚的港女在與男性交往的過程中經由她內心中被激出的野蠻的男性氣質(masculinity),或稱阿尼瑪斯(animus),喚醒她無意識中的獸性本能,因而瞬間了解男女間的吸引力,而在心理上成長為一成熟的女人。這種成長的過程,容格稱為啟蒙(或成年)(initiation)。港女是故事中的女英雄。