假如生命剩下N小時
【假如生命剩下N小時】舞台劇主題曲
主唱：Eddie．Eric．鄧穎芝．吳嘉亮
作曲：
填詞：
編曲：
監製：
歌詞
假如生命剩下N小時 你會唔會俾自己留低一絲憾事
大家唔好以為呢個話題好白癡 因為我地宜家討論緊嘅係 人生意義
捻返起 都好耐無同媽子傾過計 佢中意嘅劇集都未 得閒陪佢睇
老豆好想約我打番一場羽毛球 可惜返工放工忙完之後我仲要應酬
對住中意果個人始終未夠膽開口 面對面嘅時候大家好似隔咗個宇宙
已經唔止一次失去 身邊朋友 嗰種生離死別嘅感受我已經受夠
如果生命剩下N小時 如何放肆吐盡真心意
如果生命剩下N小時 為何永遠怕做這一次
人生就好比一場馬拉松比賽 無人估到下一秒會有啲咩意外
所以奉勸各位不但計劃好未來 仲要好好地珍惜同把握現在
揾個時間聽吓老媽子發啲咩牢騷 每朝早啲起身陪老豆跑吓步
拿拿聲約距出來講「想同你終老」 約班friend傾吓講吓往事慢慢細數
換個心態 來看這世界 或有一天會被理解
盡吐不快 來放聲嗌 所有問題 馬上say goodbye
假如生命剩下N小時 你有無膽約個敵人出來同佢講「我愛你」
仲要開個博客送俾佢一打玫瑰 將自己每日蒼老個樣登曬出來
以前好驚有人對你指三指四 呢一刻終於鼓起勇氣做番自己
喺呢個年代發生啲乜都唔會出奇 只要網上有人肯去不斷騷你
假如生命剩下N小時 嗯 你想笑定係想喊住收尾
假如生命剩下N小時 哦 我要同我嘅朋友講唔好傷悲
假如生命剩下N小時 啊 我想講我同樣都有缺陷美
假如生命剩下N小時 喲 我一定會發覺世界更講理
換個心態去睇人生呢齣戲 話知你條生命線仲有N公里
換個心態去睇人生呢齣戲 你就只我點解咁好氣 點解咁長氣
如果生命剩下N小時 如何放肆吐盡真心意
如果生命剩下N小時 只想對你說對不起
換個心態 來看這世界 或有一天會被理解
盡吐不快 來放聲嗌 所有的問題 馬上say goodbye
換個新姿態 做個開心派
