詹瑞文.陳奐仁 – 放棄不如放臭屁


放棄不如放臭屁

節目【踢舘】主題曲

主唱:詹瑞文.陳奐仁
作曲:詹瑞文
填詞:詹瑞文.陳奐仁
編曲:陳奐仁 for The Invisible Men
監製:陳奐仁 for The Invisible Men

歌詞

你驚就咪出聲 你係要驚就兩份驚
做人點可以咁驚青 我今日係嚟踢館等我話你聽!

踢爛佢 衝出去 你嘅 Guts 去咗邊
踢爛佢 撲出去 你個心 死咗去邊

香港好多政治臨記 歇斯底里亂發脾氣
香蕉菠蘿嚟做武器 遲早有個榴槤車埋嚟
掟蕉好勁揪 人地當馬騮 話之你 點都對準特首個頭飛
有時間就遊行跟隊尾 有嘢撈就柄埋話之你

港燦搭台 阿燦剪綵 港燦發呆 阿燦發財
港燦無奈 阿燦上位 港燦莫財 阿燦攞彩
人地一袋袋人民幣嚟買樓 我地就一代代捱住嚟供樓
捱到層樓 養到番狗 香燈有後 先安枕無憂

踢爛佢 衝出去 你嘅 Guts 去咗邊
踢爛佢 撲出去 你個心 死咗去邊

點解唔爭氣 趁仲未斷氣 聞人臭屁聞夠未
幾時先爭氣 唔通甘心做阿四 放棄不如放臭屁

你話你唔夠銀紙 仲唔去搵錢
佢話佢唔夠無恥 抵佢比人跣
佢堅持扮可憐無知 你睇佢幾賤
日日睇報紙雜誌 居然唔了解國家大事

我身體痲痹無力 (食飯囉)
因為有社會壓力 (唔駛做呀)
阿媽教我要安份俾社會搵笨
班 Friend 教我 Hea 爆唔駛打真軍
啲咭數未清我仲要儲積分 點解我地會搞成咁

踢爛佢 衝出去 你嘅 Guts 去咗邊
踢爛佢 撲出去 你個心 死咗去邊

點解唔爭氣 趁仲未斷氣 聞人臭屁聞夠未
幾時先爭氣 唔通甘心做阿四 放棄不如放臭屁 
放棄不如放臭屁

apple

Leave a Reply