廚房仔 Chef – 凌晨時份


廚房仔 - 凌晨時份

主唱:廚房仔 Chef
作曲:C-Infamous.李宗盛
填詞:廚房仔.李宗盛
編曲:C-Infamous
監製:廚房仔.C-Infamous.DJ Prepare

歌詞

你話我知你生活太艱苦太沉悶 好難先至可以搵到個伴
身邊一浪接一浪唔同嘅玩伴 寂寞細胞注入你嘅血管
你話唔鍾意接受別人監管 犯過太多錯 再無機會返本
社會環境導致你不羈反叛 你嘅朋友逐一將你背叛

以往理想抱負隨歲月流走 有邊個一直喺你身邊留守
陪伴左右直至到永久 感情不在乎天長地久
千祈唔好抗拒曾經擁有
他朝有日驀然回首 曾經拖過你手共同飲過美酒嘅某某
美好回憶永遠喺你心裡逗留

早知道傷心總是難免的 你又何苦一往情深
因為愛情總是難捨難分 何必在意那一點點溫存
要知道傷心總是難免的 在每一個夢醒時分
有些事情你現在不必問 有些人你永遠不必等

凌晨時份 雨粉淒美動人
夢醒時份 內心開始抗爭
滿身傷痕 令人忘記天真
殘酷現實 令人埋沒天份
撫心自問 重拾起自信心
人生如戲 用心發掘自己戲份
放眼未來 創造美好氣氛
身處暗黑領域更能突顯色彩繽紛

早知道傷心總是難免的 你又何苦一往情深
因為愛情總是難捨難分 何必在意那一點點溫存
要知道傷心總是難免的 在每一個夢醒時分
有些事情你現在不必問 有些人你永遠不必等

apple

Leave a Reply