MastaMic – 16 HK Rap Up


MastaMic - 16 HK Rap Up 歌詞 MV

16 HK Rap Up

主唱:MastaMic
作曲:陳瑋洛
填詞:MastaMic
編曲:陳瑋洛
監製:MastaMic、陳瑋洛、Joey Lam

歌詞

一年一rap up 今年會rap乜
有人等得好心急 我就rap 得好心噏
今年rap得乜唔rap得乜無乜唔rap得
聽完rap up祝大家雞年食得瞓得行得走得行運大吉
明蝠俠4D演唱會差啲冇得做
即使面對關公災難都輕鬆過渡
吳若希暫別娛樂圈生B咁好野
咁以後 咪冇得聽佢講 點解嘅
柏豪結婚相信fans都感到高興
但相信最傷心應該係岑晉晴
方力申鄧麗欣10年童話未結先分
分手係10週年紀念日多得葉念琛
李潤庭公然偷食人妻咁狂妄
奉勸巴打們如果偷食記住要東張西望
16年至hit韓劇莫過於太陽的後裔
幾時大台照dup整返套太婆的後裔
屍殺列車其實冇乜特別
只要你朝早返工試過搭港鐵
全城熱話跟住矛盾去旅行
下次我提議不妨請蘇永康同梁頌恆
再見我哋嘅GAG王 盧David
你嘅爛gag永遠都充滿特色
佐治米高係聖誕節離開人間
聽住Last Christmas過佢最後一個聖誕
對於Samsung部Note 7只有一個評價
成龍下次可以改口講韓國製的會爆炸
Pokémon Go全城狂熱 人人捉精靈
個個都變做小智化身做寵物精英
李國章終於正式入住港大
以我估計港大嘅學術自由都係咁大
監警會三審裁定朱經緯用警棍打人
搞咗咁耐個結論原來係阿媽係女人
電影十年獲得金像獎最佳電影
即時引起一眾愛國電影人嘅點評
何文田站嘅設計相當離地
出口去到月台五百幾級樓梯行到你斷氣
全球最長壽大熊貓佳佳接受安樂死
17年嚟陪伴港人成長衷心多謝你
譚耀宗打尖做手術點解咁都得
係咪加入民建聯就成為特權階級
正所謂道不同不相為謀
學聯退出支聯會代表各自有唔同訴求
Lancme兩封割𥱊聲明搞到自己犯眾憎
不如考慮吓中文譯名改做難堪
政府成日提要改善住屋同土地問題
偏偏4層樓高嘅嘉湖泥頭山無人提
政府率先向橫洲地區領袖摸摸底
官商鄉黑勾結實行一條龍互利互惠
曾經嘅亞洲良心終於壽終正寢
對於停播時嗰種草草收場深表遺憾
只要老豆係特首隨意打橫行
漏咗行李過關咩唔使驚有特事特辦
梁振英上任做盡壞事無日無知
直至宣布唔競逐連任總算做返件好事
退休法官胡國興搶閘參選特首
邊個贏都好最緊要唔係淋病同葉瘤
廉政公署大地震李寶蘭被辭職
似乎係梁振英對調查UGL事件嘅反擊
一帶一路一帶一路一帶一帶一路
以上全部內容就係成份施政報告
醫委會特首委任人數增加至八人
無非都係想喺唔同機構加插自己人
屯門搞到新年大混亂嘅起源
原因係良景邨突然有好多蒙面管理員
當魚蛋都可以引伸一場革命
證明當權者係如何欺壓百姓
對於有學生自殺我深表遺憾
為人師表更應積極承擔責任
但局長次次有關聽證會都唔會現身
所謂對策只係每間學校發放5000蚊
4級大火 將時昌 迷你倉 徹底吞食
場火足足燒左四日半先叫做救熄
兩名消防員亦因此英勇殉職
在此向佢哋致敬獻上無言感激
係香港賣書賣到比人失蹤
一國兩制已經去到全面失控
梁天崎新東補選以六萬幾票 高票 落敗
可以話正式確立香港嘅本土派
聲明確認書明顯係政治打壓
即使簽咗名 選舉主任都可以唔批准入閘
戴耀廷嘅雷動計劃搞到一鑊泡
令到部分應該當選嘅結果選唔到
梁頌恒用鴨脷洲鄉音宣誓
游惠貞一句支那結果引風入肺
一場宣誓風波令中共搵到靚位
引發釋法上訴DQ令議員人人自危
為咗米粉再困難仍然百折不屈
埋頭苦幹四年由13去到17
嚟到今年馬米終於推出全新專輯
精彩多變風格 到時唔聽係你嘅損失

apple

Leave a Reply