サンサナー – 夏太陽

LINEで送る
Share on LinkedIn
[`livedoor` not found]
[`yahoo` not found]
[`fc2` not found]

夏太陽
サンサナー

作曲︰上地正昭
作詞︰猫田麻耶|高宮城実人

歌詞

節(しち)や また巡(みぐ)てぃ 真南風(まふぇかじ)ぬ 吹きば
夏太陽ぬ 恵(みぐ)み 心(くくる) 浮かさりてぃ
緑(みどぅり) 青々(あうあう)とぅ 露(ちゆ) 受きてぃ 咲ちゅる
花ん 色(いる)勝(まさ)てぃ 風(かじ)ぬ 匂(にう)い 運(はく)ぶ
夏ぬ太陽 受きてぃ 彩蝶(あやはべる)ぬ 美(ちゅ)らさ
去年(くじゅ)ん 今年(くとぅし)、来年(やーん) 島ぬ夏や 清(しゅ)らさ

山里(やまさとぅ)ゆ 下(う)りてぃ 真南(まふぇ) 向(ん)かてぃ見りば
夏太陽ぬ 暑(あち)さ 心(くくる) 浮かさりてぃ
サンサナー 鳴ちゅる 福木道(ふくじみち) 涼(しだ)さ
赤瓦(あかがーら) 色(いる)勝(まさ)てぃ 石垣(いしがち)に 一枝(ちゅゆだ)
夏ぬ太陽 受きてぃ 赤花(あかばな)ぬ 美(ちゅ)らさ
去年(くじゅ)ん 今年(くとぅし)、来年(やーん) 島ぬ夏や 清(しゅ)らさ

村ぬ道 過ぎてぃ 潮風(うすかじ)ぬ 吹きば
夏太陽ぬ 香(か)ばさ 心(くくる) 浮かさりてぃ
浜千鳥 舞い遊(あし)ぶ 干瀬(ふぃし) 抱ちゅる 真砂(まさぐ)
渡海(とぅけ)や 色(いる)勝(まさ)てぃ かなた 広(ふぃる)がゆる
夏ぬ太陽 受きてぃ 波ぬ花ぬ 美(ちゅ)らさ
去年(くじゅ)ん 今年(くとぅし)、来年(やーん) 島ぬ夏や 清(しゅ)らさ

夏ぬ太陽 受きてぃ 白雲(しらくむ)ぬ 美(ちゅ)らさ
去年(くじゅ)ん 今年(くとぅし)、来年(やーん) 島ぬ夏や 清(しゅ)らさ