風生水起
農夫
廠牌：Clot Media Division
類型：粵語流行．嘻哈
格式：CD
發行日期：2007-11-08
歌單
01 學愛海涯 (MV)
02 溫故知新
03 風生水起 (Feat. 麥玲玲師傅)
04 八無禁忌
05 學海無涯
06 日出而作
07 十年人事 (Vocal by 陶傑)
08 一夫當關
09 全民皆估
10 千呼萬喚 (農夫．詹瑞文)
11 樂而忘返
12 肉麻無罪
13 愛似陳冠希 (remix)
14 錯中複習
15 智華悶局
01 學愛海涯 (MV)
02 溫故知新
作曲：DJ Tommy．DJ Galaxy
填詞：6永．C君
編曲：
監製：
03 風生水起 (Feat. 麥玲玲師傅)
作曲：DJ Galaxy
填詞：農夫 Fama
編曲：DJ Galaxy．DJ Tommy
監製：DJ Galaxy．DJ Tommy
歌詞
玲玲出嚟又睇掌喇 農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請
一命二運三風水 人有三衰六旺 我仲要衰到幾歲
究竟點解 佢出世嗰時含住條金鎖匙
又點解 我成間屋仲細過佢個坐厠
又點解 我次次買六合彩時中得一個字
係咪我出事 出世喺亥時
點解 佢係我波士揸波子
我好多Coins佢好多女士
同人唔同命同遮唔同柄
十九八七六五四三二一
一命二運三風水 四捨五入犯太歲
六六無窮都仲咁衰 七除八扣又九十歲
十個光頭都唔同命水
人出唱片我出唱片 出到喺頒獎典禮裡面
鏡頭唔影呢面 觀眾睇我唔見
我哋坐喺側田嘅側面側面側面側過側田
點樣先做到歌星 急急如律令 俾啲掌聲有請
玲玲出嚟又睇掌喇 農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請
一命二運三風水 四積陰德五六歲
七八年後我生個女 九十幾歲都仲未去
個個都唔同命水
人踢波時我又踢波
但係點解人哋踢皇馬 我就踢南華
球迷唔多想睇 我又唔多矜貴
場場都以和為貴打和打和和過和仔
點樣先做到球星 急急如律令
俾啲掌聲有請
獨白(麥玲玲)
我話屬豬嘅朋友 屬鼠嘅朋友
屬牛嘅朋友 屬老虎嘅朋友
屬蛇嘅朋友 屬馬嘅朋友
夠唔夠十二生肖呀 (點呀 嘅朋友點呀) 嘅朋友
睇掌睇掌睇相 急急如律令
攞獎攞獎演唱 我哋有請玲玲
Rap(麥玲玲)
我一出世就識睇梅花易數
用咗廿年羅庚東南西北梗係分到
我掌又睇到 相又睇到
要Rap都完全冇難度
鼻頭好有肉 內心就冇毒
眼睛水汪汪 桃花運暢旺
眉尾散 儲錢難
上唇厚重情 下唇厚比較重性
玲玲玲玲 我有嘢問
問吓我嘅桃花運
Rap(麥玲玲):
C君好男人 過幾年就結婚
呀玲玲玲玲 我有嘢問
問吓我老婆係乜嘢人
Rap(麥玲玲):
陸永大情人 個老婆好銷魂
呀師父答唔答得到
我第時做乜嘢好
Rap(麥玲玲):
C君文筆好 最啱做寫稿佬
呀師父賞個面
答我做咩至有錢
Rap(麥玲玲):
陸永要表演 最適合做幕前
玲玲玲玲咪走住
農夫有咩要注意呀
Rap(麥玲玲):
C君多主意 陸永要做主持
羅庚最緊要睇得啱
人哋點樣講你都好閒
玲玲出嚟又睇掌喇
農夫今年又攞獎喇
睇掌睇掌睇相 急急如律令
攞獎攞獎演唱 俾啲掌聲有請
04 八無禁忌
作曲：DJ Galaxy
填詞：農夫 Fama
編曲：
監製：
歌詞
＊我知你哋最八卦
我幫你哋八下
我講嘅無句係假
全部真架你諗真係有啲誇
農夫嘅娛樂新聞
最快最新最真 最震撼
林一峰原來係男人
記者係佢附近 影到佢企起身
去廁所 娛樂圈嘅秘聞
張敬軒原來係黑人
你睇佢眼下面有兩個黑印
我地調查過佢點解咁高音
關鍵係咪喺佢下半身
EO2其實得兩個人 唔叫EO2係有原因
一個戴黑超睇唔到 一個太黑睇佢唔到
我想再數 數極都數唔到
真真假假 通通八赴
匆匆看化 段段浮華
邊句真話 邊句假話
REPEAT＊
謝安琪無大肚 佢只係大肚腩
肥又唔肯減 之前以為佢就生
方大同個歲數 從來都係虛報
朝朝做早操 佢媽媽都冇佢咁老
關心妍借左我舊吸濕綿
我就不便 不便 講下阿側田
王浩信個真名叫Hotcha
王菀之真人好索架
林一峰唔妥張繼聰唔妥
關心妍唔妥側田
許志安唔妥Ivana唔妥
楊千嬅唔妥唐寧唔妥我
呃呃騙騙 大話連連
篇篇封面 段段纏綿
邊個出現 閃過閃電
REPEAT＊
＊我知你哋最八卦
我幫你哋八下
我講嘅無句係假
全部真架你諗真係有啲誇
飛砂走奶 送外賣
釀半球 孽子愔仔
鬼竄夜會 姊弟戀
母子戀 平輩戀
同性戀 異性戀
完
05 學海無涯
作曲：DJ Galaxy
填詞：C 君．6 Wing
編曲：DJ Galaxy
監製：DJ Tommy
歌詞
農夫書院 美好人生
有兩個訓導陸永與C君
我們都要努力做人
個個會考三十分
望住塊黑板日日都咁刻板
食完個早餐仲有冇零用錢食晏
Bio堂要入Lab學下劏牛眼
點知一劏就鬧同學仔攞黎玩
最後就攞嚟衰記缺點都要排隊
點解又要比錢班會
冇著皮鞋又匿埋死都唔去早會
Prefect又出動捉人傾偈起哄
啲功課一係就抄一係唔交
Miss一係就鬧一係唔教
讀書為左識字為左沙紙定係為左我老媽子
學海係天涯 學生天天挨
就等多一排 放得暑假我個人鬆晒
萬卷書萬里路 紅雨好黑雨好
八號風暴 在早會中我禱告
萬卷書萬里路 紅雨好黑雨好
八號風暴 在早會中我禱告
Hey Yo 你有冇聽到 讀萬卷書不如行萬里路
行晒銅鑼灣啲店鋪
難怪每一科都肥佬
媽媽想知道爸爸少少燥
點解科科都炒到咁離譜
即刻抄廣告嗰一句口號
求學不是求得到分數
來尋求啲知識上堂訓下先舒適
上堂HAE下搵野食 搵野食
落到球場比晒力 比晒力
A班比人話係精英班
B班又比人話係精靈班
士多啤梨啤梨蘋果橙
ABCDE班點樣揀
FAMA college beautiful life
We have 6wing and C-kwan be your guide
We need to 努力做人
HKCEE三十分
萬卷書萬里路 紅雨好黑雨好
八號風暴 在早會中我禱告
萬卷書萬里路 紅雨好黑雨好
八號風暴 在早會中我禱告
C班比人話係傻仔班
D班又比人話係蘿底橙
士多啤梨啤梨蘋果橙
ABCDE班點樣揀
Biology makes me cry
Chemistry makes me cry
中西史都 makes me cry
農夫啲歌 makes me smile
06 日出而作
作曲：DJ Galaxy
填詞：C 君．6 Wing
編曲：
監製：
歌詞
返工放工 幾點至夠鐘
Sick Leave要點用 開會有乜用
打卡打卡打記得打卡
日出而作 搏一搏 我架單車都變摩托
睡眼惺忪九點鐘 記得起身返工
九個鐘九個鐘每日返九個鐘
個個都要返工 返工先唔使窮 證明你有用
份糧月中已經唔夠用
第一個鐘輕輕鬆鬆 等第二個鐘
第二個鐘去Site Visit 順便去埋Game Zone
第三個鐘打電話 打成個鐘至接通
之後嗰四個鐘勁多野做喺公司四圍中
入廁所沖吓沖吓 又釣魚中吓中吓
攞杯咖啡沖吓沖吓 沖吓沖吓沖吓沖吓
咁又沖到最尾嗰個鐘
個個睇住個鐘 個個等放工
放工去玩又驚第二朝早起又驚糧尾
返工係一個得閒死唔得閒病嘅遊戲
你老闆唔鍾意你 你唔鍾意份工
鬼叫你鍾意份人工 咁就冇嘢需要理
返工放工 幾點至夠鐘
Sick Leave要點用 開會有乜用
打卡打卡打記得打卡
打卡最型 打唔停 打少一成會雙目失明
大部份嘅老細會低估員工嘅能力
大部份嘅員工會低估老細嘅智力
大部份嘅老細會挑戰員工嘅耐力
大部份嘅員工會問同事攞零食
番工放工 幾點至夠鐘
Sick Leave要點用 開會有乜用
打卡打卡打記得打卡
日搏夜搏先發覺 最鍾意讀書返學
永遠就嚟遲到 班地鐵一定趕唔到
好彩第一個返到 老細又睇我唔到
成個朝頭早已經有鬼咁多嘢做
臨放工終於做到趴喺度
有人冇嘢忙又要扮忙
女同事化完妝又要補妝
係Pantry入面嘅Pantry黨扮開會同一個
Project講完又講
掃把話唔夠數 出嚟捉人去跑數
跑極都係唔夠數 份人工又唔啱數
最唔抵飲完酒晚起唔到身返唔到工
詐病請病假 又要付出代價
好彩呀邊個有醫生紙明碼實價 仲要做緊特價
請夠四日都唔怕
費時返到公司 好似隻死屍
放工去開P 點知要OT
打卡打卡記得打卡
唔係O咗T有邊個知
返工放工 幾點至夠鐘
Sick Leave要點用 開會有乜用
打卡打卡打記得打卡
(喂 今晚我要早走呀 你可唔可以幫吓我手呀)
番工放工 幾點至夠鐘
Sick Leave要點用 開會有乜用
打卡打卡打記得打卡
(尋晚我都冇走 點打卡嗻)
07 十年人事
作曲：DJ Galaxy
填詞：C 君
讀白：陶傑
編曲：
監製：
歌詞
＊七一的晚上 煙花多漂亮
獅子山腳下突然過十年太漫長
飄忽的政治 消失的偶像
獅子山腳下步行過十年到夕陽
回歸十年 突然 諗返起以前
五十年不變到底有無兌現
第一年嘅煙花匯演特別美艷
但係經濟狀況已經大不如前
係董生腳頭唔好 定係咁啱金融風暴
啲新聞仲報導 呢十年香港幾好
我哋有幾好嗻 你哋點會知道
啲師奶都越嚟越慳
打工仔又老奉加班
幾多個人 曾經係負資產
幾多大學生 人工唔過一萬
一蚊一隻雞都無人夠膽 出街食晚飯
畢業就等於失業
十年人事幾番新 十年過得幾艱辛
有人捍衛到個髮型 捍衛唔到民心
熱烈慶祝回歸 有邊個會咁諗
哥哥 梅姐 霑叔 羅文
失業 SARS 通縮 流感
過去十年有太多唔開心
事到如今 靈灰閣都無預你同我嗰份
或者應份 俾啲掌聲我哋各位香港人
REPEAT＊
讀白：
十年回歸政府畀人話低B，市民又畀人當白痴
二十三條立法冇咗件事，八萬五冧樓加沙士
眨吓眼就輪到煲呔執過熱煎堆，政改方案搞到累鬥累
陳太對葉瘤唔啱嘴，香港人前世究竟犯咗乜嘢罪呢
原來突然眨下眼 咁就過左十年
以前仲係中學生 今日要出嚟搵錢
每一年嘅煙花匯演都係一個紀念
紀念 公眾假期多咗幾天
係曾生腳頭幾好
定係佢無夾硬 無事搵事嚟做
近年經濟轉好 大家行返舊路
望住股票指數
有得搵就好搵 搵一陣就好搵過你打幾份工
內地勞工 今日變身自由人
嚟到香港自由行 每個人洗幾千蚊
難怪咁多人要爭相回流掘金
以前有事走咗去 今日無事返番嚟
佢哋有無當過香港地係佢嘅屋企
皇后碼頭要拆
灣仔嗰條印刷 街又要拆
會變成乜嘢風格
維多利亞海港 每年都transform
好似變形金剛 變成維多利亞河
河嘅對面有座山 山下面燈光燦爛
七百萬人男男女女 有你同我 我同佢
七百萬人來來去去 有你同我 我同佢
REPEAT＊
08 一夫當關
作曲：DJ Tommy
填詞：C 君．6 Wing
編曲：
監製：
歌詞
＊人人話我Rap到好正 (F.A.M.A)
人人話我Rap到好正 (CMD yo)
6 Wing
我叫做Mr.6 佢係Mr.C
開始嗰時 諗住寫下歌詞
你知我哋唔係公子哥兒
玩音樂無咁易
或者咁啱你聽過 你啲frind話鐘意
鐘意埋我媽咪 農夫兩個字
你開始知道不只係耕田人仕
好似係個相對地靚仔加個相當得意嘅MC
幾隻CD 有唔少人支持 仲有更多人BT
而家連祖名都知佢自己幾似我
我話過冇狗仔隊跟我最後掹車邊都跟咗
不過報導有啲錯 佢話我賣得嗰
一千隻 喂一千隻喺我哋頭一分鐘已經賣出咗
我哋一路造嘅歌 得到貴人相助
Featuring麥玲玲 詹瑞文都搵我
評語有好有差 有人話太商業化
你話聽唔出我啲歌嘅中心思想
以你嘅智商畫畫都要畫出腸
定係以後出Show出碟唔出樣
咁樣就合乎你對Hip Hop 嘅想象?
你由得你點想我有我理想
我想你每一次個耳筒塞住耳仔嘅同時
每一次失意聽到我哋寫嘅每一個字
都會心微笑 其他都唔重要
當我話456你仲會叫(6 wing)
我話ABC君你話(好搞笑)
咁已經夠我回味 再造好歌俾你哋
我有我哋繼續我哋嘅Hip Hop
REPEAT＊
C kwan:
係時候重新講返以前每一首作品
由月下思到鄭永芝到音樂大亨
有人話越做越無心 有人越聽越開心
又有無人會認認真真諗諗我哋點諗
你話我少鰦諷刺時弊為過癮而過癮
呢啲人平日唔睇報紙靠聽歌知新聞
你話香港無音樂 淨係得娛樂
根本音樂就係娛樂點解要將佢哋分割
做左十年Hip Hop先至發覺
最好嘅創作唔只要你識得我
仲要你識得笑唔只要你賞識我
仲要你想起我即刻笑
每隻唱片背後 幾多晚通宵捱眼訓
每次表演之後 幾多人睇得好興奮
化妝粉底背後 個眼袋裝得落十蚊銀
嬉皮笑臉玩世不恭背後幾咁認真
無可能 鍾意我所有作品
無可能 買晒我所有產品
有可能 只要你聽得開心
你就企起身
REPEAT＊
09 全民皆估
作曲：DJ Tommy
填詞：C 君．6 Wing
編曲：DJ Tommy
監製：DJ Tommy
歌詞
買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺
買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺
6：一路押韻 一味靠估先過癮
唔駛講運 我唔駛返工剩係瞓
估估下陳師奶又去旅行
我有股份就唔需要帶現金
C：只因喜歡買出買入 又賺一筆 腳踏實地
6：邊有實利 C：炒賣投機 6：經濟起飛
人人人人無啦啦話呢隻股會升
升高啲高啲咁先好反應
6：俾個冧把我我都唔明 但係好過睇通勝
6： 啱啱 C： BB
6： 開始 C：入市
炒股票有賭未為輸 金融風暴已經係歷史
買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺
買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺
6：你男友 C：玩藍籌
6：賺唔夠 C：轉紅籌
6：炒孖展 C：高風險
有對兄弟會借錢
人人人人無啦啦話呢隻股會升
升高D高D咁先好反應
C：咪學360 郁郁下會停 跌到渣都冇得剩
6：醫生 C：護士
6：學生 C：教師
炒股票好過中3T 陸叔話你知呢件事
投機 最好 全港靠賭
由今朝早要撈 變到唔駛再撈
投機 最好 全港靠賭
由今朝早要撈 變到唔駛再撈
陸叔：
我覺得個市呢即係好快趣就會 如果跌到咁上下呢應該係 會作出反彈
而且呢係即係唔應該係會覺得係會跌穿嘅
買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺
買喇買喇買買買買買買硬
買買下個個買個個有讚冇彈
冇買 (就有難)
買多幾隻股票估下會賺
C：嘩 發呀
10 千呼萬喚 (農夫．詹瑞文)
作曲：DJ Tommy
填詞：C 君．6 Wing
編曲：
監製：
歌詞
*開口我又怕 甩牙我仲怕
開講有話 人要肉麻
人人要對鬼講鬼話
詹瑞文：枉我萬世歌王成日話一take過搞掂
點解我想唱嗰啲歌就一啲都搞唔掂
我唱歌好叻我又識Rap
每次上到台都想嗌mic check mic check
「你唔中意個樂壇 唔想再玩
唔睇美女煮飯 賑災除衫」
但係為左兩餐 同埋嗰啲帳單
我又可以點揀 愈唱就愈浪漫
「我愛你…….我愛你」
我愛你我愛你愛你愛你愛你你你你你你你你你你……死未
聲音 越黎越失真
變成噪音真假都唔識分
真亦假時假亦真
對得住個良心 對唔住我娘親
將你把聲賣比我
等我幫你唱好啲歌 你永遠沒法躲
Repeat*
詹瑞文︶兩公婆邊有秘密架
但係unbelievable大話連篇先至係情意綿綿
我老婆日日都去掃貨
屋企撻地從來未見過佢掃過
仲要喺班姐妹面前係咁數我
不如「離婚啦衰婆」
唉 老婆得個一個 仔女又咁大個
早知今日我 何必當初
「我老公請食飯 隨便坐 台面啲橙
隨便囉攞 我老公真係好錫好錫好鍚我架」
說話 講講下變大話
無啦啦我又會甩大牙
假亦真時真亦假
假到有啲浮誇 對唔住我媽媽
將你啲聲音賣給我
等我可以氹你老婆
你永遠沒法躲
REPEAT＊
V-O-I-C-E Voice~
N-O-I-S-E Noise~
明明係中國人又要講英文
明明係外國嚟又要做大戲
明明未拍過拖又識唱情歌
明明最憎你又要拍你馬屁
REPEAT＊
11 樂而忘返
作曲：DJ Tommy
填詞：C 君．6 Wing
編曲：
監製：
歌詞
好多娛樂 好少快樂
晚飯直落 都係寂寞
以前小皮球香蕉油
總之乜嘢都可以玩一鑊
好多娛樂 好少快樂
晚飯直落 都係寂寞
以前007 入子彈
總之乜嘢都可以玩一鑊
＊將今晚今晚今晚交給我
劈吓酒 唱吓歌 咪再諗咁多
將今晚今晚今晚交給我
買吓衫 拍吓拖 咪再諗咁多
咪咁灰 飲兩杯
約埋班Friend出嚟猜下枚
十五二十開對對對
發財又嚟Cham Gan Bui
飲到貓 又打交
登龍街嘅K1最把炮
越睇越好睇 傾多兩句偈
三唔識七都稱兄道弟
娛樂娛樂越嚟越發覺
越要快樂 越冇快樂
娛樂娛樂娛樂完又拼搏
無乜嘢知覺
同我Shopping一定掃清光
同我Drinking一定有得劏
同我Singing一定有空房
你永遠沒法擋
REPEAT＊
咪咁悲 去唱K
約埋班Friend唱到五點幾
成晚唱得嗰半首歌
個個插播亂咁和
人頭費 七十九
點解埋單每人俾兩舊
唱慘情歌就係咁喊
喊完走人又唔埋單
娛樂娛樂越嚟越發覺
越要快樂 越冇快樂
娛樂娛樂娛樂完又拼搏
無乜嘢知覺
同我Clubbing一定靚女多
同我Camping一定有營火
同我Talking一定會型咗
你永遠沒法躲
REPEAT＊
12 肉麻無罪
作曲：DJ Tommy
填詞：6 Wing
編曲：
監製：
歌詞
第一次咁需要 第一次想
第一次諗起你我會偷笑
第一次咁鍾意
第一次咁想呢一次係最後一次
唔駛怕 唔駛怕唔係大話
邊個話 我係一個Rapper就唔可以咁肉麻
係我同你嘅Story 太嘔嘅話我Sorry
唱啲咁嘅歌都淨係想你知
I want you be my lady
我想第時 同你試試
用一條鎖匙 同一個座廁
我都想可以嗌嗌你媽咪做媽咪
唔再嗌呀Auntie
Oh honey 唔好介意
我冇Money 只有真摯嘅心意
你嘅心事 我通通都想知
我鐘意你又點會介意
你似欣宜定柏芝
我要令到你廿四小時
日日都嗌Ki mo chi
我要令到情人節都冇晒意義
唔駛刻意送禮物
因為嗰一日 就係我哋嘅每一日
唔駛怕 唔駛怕唔係大話
邊個話 我係一個Rapper就唔可以咁肉麻
你望住我像河看海 我望住你如何按奈
酒不醉人 人自醉
唔通肉麻都有罪
我哋都有過去 都有愛過嘅愛侶
唔會抹走你嘅過去
但我會抹走你所有眼淚
再流都係開心嘅眼淚
陪你過以後每一歲 一世一對
原來你係我一直搵一直等一世一齊瞓
嗰一個伴侶
如果只可以見你一天 我希望係以後嘅每一天
如果只可以見你兩天 我希望係白天同晚天
如果只淮我見你三天 可以係昨天今天明天
只淮我見你四天 春天夏天秋天冬天
俾我見你你七日 我希望係星期一到星期日
係咪好娘好核突
我就係勝在夠老實
你問最期待邊日
我話你聽係我嗌你老婆嗰一日
怕你聽得太多 太過傷心情歌
咪怪我肉麻過火 我只係想造首歌
記錄你同我
13 愛似陳冠希 (remix)
作曲：DJ Tommy
填詞：C 君．6 Wing．陳冠希
編曲：
監製：
歌詞
Lalalalalala lalala… wohoho
我話愛似係陳冠希
C君：
問 點至算係愛一個人
又有幾多人問問問
幾多愛情顧問都係明知故問
問乜問物唧
問世間情是何物
你愛錯一個 唔愛你個一個
點都好錯過愛 愛你個一個
個個都想愛到要生要死
但係同時愛死鏡入面個自己
一間屋一張卡一齊擔一把遮
只要愛你既我遇上愛我嘅你
愛似是陽光空氣
Lalalalalala lalala… wohoho
我話愛似係陳冠希
Edison:
C-L-O-T!!
其實一直以嚟我真係好傻
日日工作嗌生嗌死為左佢去買Dior
佢話你噉先至愛我
唔係名牌就唔好送畀我
唔係Benz就唔好嚟接我
冇記者跟又邊個會影我
陳冠希話呢啲咁嘅女有冇搞嘟錯
但係而家我女友真係一啲都唔攞
唔要銀紙唔要Dior
淨係想成日攬住我
有緋聞嘅事佢唔會信蘋果
佢唔會發火因我時間唔多
愛情阻住用love is all
農夫話愛似我但我覺得愛似我顧住一個
6永：
愛 你冇就期待
愛 你有就求其
對待 對得耐又想分開
分開左先感慨
感慨冇幾耐 又再搵愛等愛 人
等個一世一齊訓
哈 定係一晚訓一陣
話說阿劉華話
有你有愛有情有天有地
又要佢似陳冠希
愛情邊有咁完美
佢話愛似阿當同夏娃
你話愛係話之你下話
而家啲笭仔話
愛係未結婚就做爸爸
Lalalalalala lalala…..wohoho~
我話愛似係陳冠希
14 錯中複習
作曲：DJ Galaxy
填詞：C 君．6 Wing
編曲：
監製：
歌詞
正, 多謝哂