MastaMic – 12 HK Rap Up


12 HK Rap Up

主唱:MastaMic
作曲:Big Sammy
填詞:MastaMic
編曲:Big Sammy.DJ Galaxy
監製:DJ Galaxy.Big Sammy.MastaMic

歌詞

又話今年係世界末日 
20121221有驚無險俾我符碌過骨 
幾驚今年我無命做Rap Up
好彩仲有命Rap得睇吓今年又會Rap乜
免費電視牌照  政府就係唔俾
維基解密都解唔開 維基點維皮
一品花雕雞 食完有片睇
最咀刁 嘅老細 有片都唔肯放出嚟 
一世流流長 總會愛上幾個人渣
春嬌與志明 愛上人渣創票房神話
劉公子著Givenchy去打官司
佢話佢影相係影意念 唔係影body
謙仔楊枱斷正玩車震
解釋籍口竟然係楊枱食雲吞
明哥演唱會頭頂陽具帽
腳踏紅館出櫃認我係基佬
出櫃何韻詩 佢係勞斯
咁邊個係癡情司嘅萊斯 
成龍大哥話要管制遊行 
我話要管先管制你五毛黨腦殘口吻
邊個話靚仔有錢專一有美滿婚姻
你睇下黎天王都要同Gaile離婚
師兄今年 情場事業兩得意
恭喜髒話阿七上榜又追到祖兒 
一班中女加兩件人生教練
係盛女愛作戰定係盛女愛作賤
紅遍全球有PSY OPPA 江南Style
聽過不如聽吓我嘅 RAPPA 艱難Style
亞視係最具娛樂性電視頻道
王征係政總騎呢跳騎呢騎馬舞
大陸台慶 show 得一兩成觀眾係度
唔上洗腦堂 你即炒就無得撈
跟住一齊shout 亞州 亞州
坦白講隻rap改到衰到無朋友
大家跟我一齊shout 亞州 亞州
亞州 收手 收手 亞州 
趙世曾為愛女用5億招婿
如果唔介意趙生不如考慮吓馬米
我都想似K- Chek咁識吓 Shiga
人做Rapper我做Rapper我真係丟架
我都想似冬欣有好多好多錢
食好多好多好多好多好多軟雪糕
我仲好想好想好想好想打俾你
請你同我呢個好古怪嘅叔叔跳part古怪舞
講Fashion Rick Owen 梗係要搵柏豪 
打碎玻璃杯柏豪15鐘變大文豪 
Lady GaGa又名呢啲飛加價
3萬一張飛炒到天價貴過豪宅尺價
YY Show今年係樂壇盛事
靚人靚衫靚歌個個樂壇VIP
陳七好哋哋香港華人第一中鋒
戥佢心痛為咗個窿無咗份工
向西村上春樹本一路向西
由網絡紅到大銀幕 文字變立體
機機樂架飛機即將起飛
急急短訊機司LuLu幫佢起機 
兒歌天后purple太離譜
工人床係馬桶上面太唔人道
龍心人網公然非禮仙樂都
成條video係度今舖你扮懵都甩唔到
高登仔話不知道陳偉霆是誰
秋生哥都話而我不知道羅志祥是誰
無知嘅林以諾牧師話同性戀係犯罪
惡魔化同性戀 佢係宗教糾察隊
香港一人一票選港姐已經有 
唉 唔知幾時一人一票選特首
劉翔一跨即仆緣盡奧運
昔日嘅芵雄今日慘變罪人 
李慧詩倫奧嘅零的突破
證明屋邨長大努力一樣有好成果
唔俾港人影相國際大牌 D&G
北京孔慶東教授話港人DOG
今年中港矛盾由呢兩件事開始
一發不可收拾越嚟越大件事
蝗蟲內地炒家自由行
商場地鐵遍地黃金
內地人搶奶粉雙非孕婦橫行
上水變水貨中心香港市民百上加斤
我明白香港基層民不聊生
但歧視唔應該係香港發生
始終蝗蟲只佔內地人一小部份
記住中國人永遠不打中國人
佔領唔只係我同關楚耀一隻歌
係一個摧毀權勢運動需要你同我
學民黄之鋒大戰國民小先鋒
12萬身穿黑衫市民佔領政總
牛柳過百蚊斤時菜一斤十幾蚊
大家樂燒鵝飯賣得貴過鏞記嚇死人
仲有港女話結婚人情要多過500蚊
你話打工仔份人工邊夠養屋企人
鏞記爭產 郭家爭產
我估佢哋阿爸知道肯定死咗都激番生
所以李超人 醒目眾目睽睽分身家
唔怕兩兄弟以後為爭產有官司打
A&F 嚟咗100個大隻仔
其實唔明點解 唔請出名大隻嘅馬米
反對網絡廿三條我哋憤怒了
連網上言論自由都禁止發表
緝毒犬Honey被遺棄差啲瞓棺材
校方一句合約完結就置身事外
香港膠災中石化膠粒意外跌落海
好彩市民自發團結起來清理膠災 
DR醫學美容毒針照樣毒死人
杜sir下部戲唔拍奪命金不如拍奪命針
南丫十一海難39人死慘絕人懁
國慶煙花嘅慛燦照亮唔到人間
七色彩虹旗同志大遊行
DBC因股東爭執慘被封殺 
大班話事實上政治打壓
李旺陽 坐21年政治監
慨嘆佢話砍頭也不回頭 結果一語成籤 
人民力量拉布拉足10幾日
結果主席剪布宣佈拉布完畢
特首要龍定係要豬
東方之珠要贏龍豬就一定要輸
但係小圈子投票市民無得參與
結果邊個贏香港都後果堪虞
唐唐話男人要有膊頭有腰骨
感情缺失 課外活動被爆私生子秘密 
消失的密室要老婆出面承擔過失
我話唐唐你有條消失的腰骨 
梁振英 你呃人 你無品
你參選時講僭健你無份
最後發現6處僭建 你講到自己無責任
僭建封咗就係唔存在個答案夠創新 
立法會選舉建制派大勝
全靠佢哋配票絕頂精密準繩
貪心許仕仁 貪心害市民
廉潔嘅形象統統係 呃人
我想問政府中仲有幾多醜聞 
最貪心嘅官員竟然係姓曾 
貪心嘅貪曾 越貪越深
官商勾結貪心就係原因
俗語有雲貪字得個貧
被踢爆嘅貪曾最後要喊住離任
麥齊光做局長12日被人拉咗
呃租金津貼都係貪心惹的禍      
一子錯 滿盤皆落索自食其果 
但下個局長陳茂波一樣唔好得幾多 
陳茂波綽號捱鬧的波兒
經營劏房嘅醉駕局長最可恥
劏房局長一做錯事學佢波士
出事係老婆公司事件事唔關自己事
林奮強涉嫌偷步賣樓
衰咗又係搵老婆出頭
究竟呢個政府係邊個為首
所有人出事都係要太太認頭
七年磨一劍 我終於推出專輯
流行反擊戰 唔聽保證係你消息
記實2013年3月30
我哋7年嘅夢呢一曰變成現實

apple

There is one comment

Leave a Reply